The news is by your side.

Advertisement

کے الیکٹرک کی خریداری ، چینی کمپنی شنگھائی الیکٹرک نے نئی پیشکش کردی

کراچی : چینی کمپنی شنگھائی الیکٹرک نے کے الیکٹرک کی خریداری کیلئے چھٹی مرتبہ پیش کش کردی، اس حوالے سے درخواست اسٹاک ایکسچینج کو بھی بھیج دی گئی ہے۔

تفصیلات کے مطابق چینی کمپنی شنگھائی الیکٹرک نے کے الیکٹرک کے شئیرز کی خریداری کے لیے چھٹی مرتبہ دراخوست دے دی، شنگھائی الیکٹرک پاور کمپنی نے کے الیکٹرک کے 66.40 فیصد شئیرز کی خریداری کی پیش کش کی ہے۔

شنگھائی الیکٹرک نے ریگولیٹری اتھارٹی کی منظور کے لیے چھٹی بار درخواست کی ہے جبکہ درخواست اسٹاک ایکسچینج کو بھی بھیج دی گئی ہے۔

شنگھائی الیکٹرک کے منیجر عارف حبیب گروپ نے کے الیکٹرک کو خط لکھ دیا ، جس میں کے الیکٹرک کے اکثریتی حصص رکھنے والے ابراج گروپ کو پیشکش کی گئی ہے۔

مزید پڑھیں : کے الیکٹرک کی خریداری؛ شنگھائی الیکٹرک نے پیشکش واپس لے لی

خط میں کہا گیا کہ نیپرا اور دیگر اداروں سے ریگولیٹری منظوری کے بعد حصص منتقل ہوسکے گے، شنگھائی الیکٹرک نے کے الیکٹرک کے 66.4 فیصد شئیرز انتثامی حقوق کے ساتھ خریداری میں دلچسپی رکھتی ہے۔

شنگھائی الیکٹرک کی جانب سے کے الیکٹرک کے 18 ارب 33 کروڑ 55 لاکھ 42 ہزار 678 شئیرز کی خریداری کی پیش کش کی۔

یاد رہے چند روز قبل شنگھائی الیکٹرک نے کے الیکٹرک کی خریداری کیلئے معاہدے کی مدت ختم ہونے پر پیشکش واپس لے لی تھی ، کے الیکٹرک کے اکثریتی حصص رکھنے والے ابراج گروپ نے سال 2016 میں شنگھائی الیکٹرک سے معاہدہ کیا تھا۔

شنگائی الیکٹرک نے کے الیکٹرک کے 66.4 فیصد شئیرز انتظامی حقوق کے ساتھ خریداری کرنا چاہتی ہے تاہم نیپرا اور دیگر اداروں سے ریگولیٹری منظوری نہیں مل رہی ہے، خریدار کے خواہش گروپ کا کہنا ہے کہ شنگھائی الیکٹرک جلد دوبارہ کے الیکٹرک کی خریداری کی نئی پیشکش کرے گا۔

Comments

یہ بھی پڑھیں