اسلام آباد: پاکستان میں لوڈشیڈنگ اور بجلی کے بھاری بلوں سے پریشان صارفین کو ریلیف ملنے کی امید ہے۔
تفصیلات کے مطابق شنگھائی الیکٹرک گروپ پاکستان میں توانائی بحران کو ختم کرنے کیلئے کوشاں ہیں، چینی گروپ نے پاکستان کے تھر کول بلاک-1 میں سرمایہ کاری کی ہے۔
شنگھائی الیکٹرک گروپ کے چیئرمین Mr. Wu Lei نے اپنے حالیہ دورہ میں وزیراعظم پاکستان اور خصوصی سرمایہ کاری سہولت کونسل کے عہدیداران سے ملاقاتیں کیں، ان ملاقاتوں میں انہوں نے خصوصی سرمایہ کاری سہولت کونسل کی کوششوں کو سراہا اور مزید غیر ملکی سرمایہ کاروں کو پاکستان میں سرمایہ کاری کی جانب ترغیب دی گئی۔
یہ الیکٹرک گروپ معروف چینی گروپ ہے، جو توانائی کے آلات تیارکرنے میں مہارت رکھتا ہے۔
شنگھائی الیکٹرک گروپ نے پاکستان میں کوئلے پرمبنی پاور پراجیکٹ میں اپنی سرمایہ کاری کو بڑھانے اور غیرملکی پاور پلانٹس کو کوئلے پر منتقل کرنے میں مدد فراہم کرے گا۔
اس ممکنہ سرمایہ کاری سے پاکستان کا درآمدی کوئلے پر انحصار کم ہوگا اور توانائی کے درآمدی بل کو کم کرنے کیساتھ ساتھ سستی توانائی فراہم کرنے میں بھی مدد ملے گی۔
