قومی کرکٹ ٹیم کے سابق کپتان شعیب ملک نے کہا کہ وہ مستقبل میں کبھی کرکٹ ٹیم کا کوچ بننے کے حوالے سے تصور بھی نہیں کر سکتے۔
ہوئے سابق کپتان شعیب ملک نے نجی چینل کے پروگرام میں شرکت کی جہاں انہوں نے اپنی نجی زندگی، اہلیہ ، بیٹے اور کرکٹ کے حوالے سے بات کی۔
ایک سیگمنٹ میں میزبان نے شعیب ملک سے سوال کیا کہ انہیں ٹی ٹوئنٹی کھیلنے میں مزا آتا ہے یا ون ڈے؟ جس پر انہوں نے کہا کہ اس دروان ٹی ٹوئنٹی کھیلنے میں بہت مزا آرہا ہے اگر آج سے 10 سال پہلے یہ سوال پوچھا جاتا تو میرا جواب ون ڈے ہوتا۔
مستقبل میں پاکستانی ٹیم کی کوچنگ کئے حوالے سے شعیب ملک نے 2 ٹوک انداز میں جواب دیا میں کبھی بھی پاکستانی ٹیم کی کوچنگ نہیں کروں گا۔
آل راؤنڈر شعیب ملک نے کہا کہ میرا کوچنگ والا مزاج نہیں ہے، میں ہمیشہ وہ کرتا ہوں جو میرا دل کرتا ہے، لیکن میں نے ایسا کبھی نہیں سوچا کہ میں پاکستانی ٹیم کی کوچنگ کروں، اس وقت اس سوال کے جواب میں، میں اتنا ہی کہوں گا کہ 1 فیصد بھی امکان نہیں ہ میں پاکستانی ٹیم کو کوچ کروں۔
ایک سوال پر شعیب ملک نے کہا کہ میں اپنے بیٹے کو کرکٹر بننے پر کبھی مجبور نہیں کروں گا، میری یہ خواہش ہے میں اذہان کو قرآن حافظ بننا چاہتا ہوں، میں چاہتا ہوں وہ پڑھے اور سب کی عزت کرے اس کے علاوہ اس کا وہ بننے کا دل کرتا ہے اسی وہی کرنے دوں گا۔
ٹیم سے ڈراپ ہونے کے سوال پر شعیب ملک نے کہا کہ مجھے نہیں لگتا نہ میں نے ایسا کبھی سوچا ہے کہ مجھے بابر اعظم نے ڈراپ کیا، ہمارے درمیان ایک بہترین رشتہ ہے۔
