پاکستان اسٹیل ڈوب گئی مگر شریف خاندان کی مل اربوں کمارہی ہے، فیصل واوڈا
The news is by your side.

Advertisement

پاکستان اسٹیل ڈوب گئی مگر شریف خاندان کی مل اربوں روپے کمارہی ہے، فیصل واوڈا

کراچی: پاکستان تحریک انصاف کے رہنما فیصل واوڈا نے کہا ہے کہ پاکستان اسٹیل ڈوب گئی مگر شریف خاندان کی مل اربوں روپے کمارہی ہے، نوازشریف نے ایون فیلڈ اپارٹمنٹ بنالیے۔

ان خیالات کا اظہار انہوں نے اے آر وائی نیوز کے پروگرام سوال یہ ہے میں گفتگو کرتے ہوئے کیا، فیصل واوڈا کا کہنا تھا کہ نواز شریف نے سعودی عرب میں ملز بنالی اور ملک کا برا حال کردیا۔

انہوں نے کہا کہ اپنا ضمیر بیچنے پر پی ٹی آئی کے 20 لوگوں کو پارٹی سے نکالا گیا، عمران خان جو بھی فیصلہ کرتے ہیں ثبوت دیکھنے کے بعد کرتے ہیں، ثبوت انہی جماعتوں نے جمع کیے تھے جن کو ووٹ دیے گئے تھے۔

رہنما پی ٹی آئی کا کہنا تھا کہ بینک اسٹیٹمنٹ اور ویڈیوز بھی بطور ثبوت سامنے آئی تھیں، ویڈیوز سے پتہ چلا تھا کہ کون رکن کس کے گھر پر تھا، پہلے 100 ارب والے اور اس کے بعد ہزاروں کی چوری کرنے والوں کو پکڑیں گے۔

وزیراعظم عمران خان کی ایمانداری پر کوئی سوال نہیں اٹھا سکتا: فیصل واوڈا

پوچھے گئے سوال پر ان کا کہنا تھا کہ فوادچوہدری نے کرپٹ لوگوں کو سادہ الفاظ میں چور کہا ہے، مشاہداللہ صاحب نے جو زبان استعمال کی ہیں لوگ شرمندہ ہوگئے ہیں۔

ان کا مزید کہنا تھا کہ مشاہداللہ نے سینیٹ میں جو زبان استعمال کی اس پر کوڑے مارنے چاہئیں، بتایا جائے پارلیمنٹ میں رہنے والوں، کیا کوئی پارلیمانی کام کیے؟

خیال رہے کہ گذشتہ روز پاکستان تحریک انصاف کے رہنما فیصل واوڈا نے کہا تھا کہ وزیراعظم عمران خان کی ایمانداری پر کوئی سوال نہیں اٹھا سکتا، ان کی جدوجہد کرپشن کے خلاف ہے۔

Comments

comments

یہ بھی پڑھیں