بڑی امریکی ٹیکنالوجی کمپنیوں کے حوالے سے بری خبر ہے کہ شیئر مارکیٹ میں ان کی حصص میں نمایاں کمی واقع ہو گئی ہے۔
غیر ملکی میڈیا رپورٹس کے مطابق ایپل، گوگل اور ایمازون کے حصص میں کمی واقع ہو گئی ہے، ان کمپنیوں کی جانب سے اپنی آمدن کے مایوس کن اعداد و شمار ظاہر کرنے کے بعد اس سیکٹر میں ترقی کے حوالے سے تشویش بڑھ گئی ہے۔
جمعہ کو امریکی اسٹاک مارکیٹ نیسڈیک میں ایمازون اور گوگل کے حصص کی قیمت میں کمی واقع ہوئی، تاہم ایپل کے حصص کی قدر میں کمی کے بعد اضافے کا رجحان دیکھا گیا۔
دوسری طرف امریکا میں 5 لاکھ سے زائد روزگار کے مواقع متعارف ہونے کے بعد بھرتیوں کے عمل میں تیزی آ گئی ہے، تاہم شرح سود میں اضافے سے متعلق ایک مرتبہ پھر تشویس پائی گئی ہے، اگرچہ ڈالر کی قدر میں مزید اضافہ ہو رہا ہے۔
