لاہور: پنجاب کے وزیر اعلی اپنے دیگر عزیز و اقارب کیساتھ عید منانے کیلئے لندن روانہ ہوگئے۔
تفصیلات کے مطابق شریف فیملی کےممبران عید لندن میں منائیں گے، شریف فیملی کے تیرہ ممبرز لندن روانگی کے لیے ائیرپورٹ پہنچے، جہاں انھیں وی وی آئی پی پروٹوکول کے ساتھ حج ٹرمینل سے رن وے پہنچایا گیا۔
لندن جانے والوں میں مریم نواز، حمزہ شہباز، سلمان شہباز، مہرالنساء، آمنہ سلمان، نفیسہ سلمان، زینب سلمان، یوسف ہارون، اویس ہارون اور عزیر ہارون بھی شامل ہیں۔
شریف فیملی کے ارکان پی آئی اے کی پرواز پی کے 757 کے ذریعے لندن روانہ ہوئی، جہاں وہ وزیر اعظم نوازشریف کے ساتھ عید منائیں گے۔
واضح رہے کہ وزیر اعظم نواز شریف اوپن ہارٹ سرجری کے باعث گزشتہ ایک ماہ سے لندن میں ہیں، سرجری کے بعد ڈاکٹروں نے انہیں ہوائی سفر کرنے سے منع کر دیا تھا تاہم اب امید کی جا رہی ہے کہ انکا حتمی ٹیسٹ کیا جائیگا جس کے بعد ڈاکٹروں کی جانب سے انہیں ہوائی سفر کرنے کی اجازت مل جائیگی اور وہ اپنی خاندان کے افراد کے ہمراہ عید کے بعد وطن واپس آئیں گے۔
