شارجہ حکومت نے اعلان کیا ہے کہ ’شارجہ ایونٹس فیسٹیول‘ کا چوتھا ایڈیشن 12 سے 15 دسمبر تک الشارجہ کے المجاز ایمفی تھیٹر میں منعقد ہوگا۔
یہ فیسٹیول شام 4 بجے سے رات 10 بجے تک جاری رہے گا جس میں تمام عمر کے افراد کے لیے تفریح، علم اور معلومات سے بھرپور سرگرمیوں کا انعقاد کیا جائے گا۔
مڈل ایسٹ ذرائع ابلاغ کی رپورٹ کے مطابق اس سال کا تھیم "جنگل کے ایڈونچر” ہے، جس میں خزانے کی تلاش جیسے انٹر ایکٹو شوز اور دیگر دلچسپ گیمز شامل ہیں۔
فیسٹیول میں براہ راست تھیٹر پرفارمنس، ایک کارنیول ایریا، اور کارٹون کرداروں ماشا اینڈ دی بیئر کی ایک لائیو شو بھی پیش کیا جائے گا۔
اس لائیو شو میں یہ کردار، پینگوئن، پانڈا اور ٹائیگر جیسے اپنے دوستوں کے ساتھ، جنگل کے جادوئی سفر پر نکلیں گے۔ اس سفر کے دوران وہ نئے کرداروں سے ملیں گے اور کئی حیرت انگیز واقعات کا سامنا کریں گے۔
اس فیسٹیول کا مقصد مختلف قسم کی تفریحی، ثقافتی، ورثے اور علم پر مبنی تقریبات کے ذریعے کمیونٹی کے اتحاد کو بڑھانا ہے۔
یاد رہے کہ گزشتہ سال اس چار روزہ سالانہ فیسٹیول نے ہر عمر کے 20ہزار سے زائد زائرین کو اپنی جانب متوجہ کیا تھا۔
