site
stats
کھیل

شاہینوں کا ویسٹ انڈیز کو جیت کے لیے 285 رنز کا ہدف

شارجہ: پاکستان اور ویسٹ انڈیز کے مابین تین ایک روزہ میچوں کی سیریز کے پہلے میچ میں پاکستانی ٹیم نے پہلے بیٹنگ کرتے ہوئے مخالف ٹیم کو جیت کے لیے 285 رنز کا ہدف دے دیا۔

تفصیلات کے مطابق شارجہ میں کھیلے جانے والے تین ایک روزہ میچ کے پہلے میچ میں ویسٹ انڈیز کے کپتان جیسن ہولڈر نے ٹاس جیت کر پاکستان کو بیٹنگ کی دعوت دی۔ جس کے بعد پاکستانی بیٹسمینوں نے محتاط انداز میں کھیل پیش کرتے ہوئے مقررہ 49 اوورز میں 284 رنز اسکور کیے۔

پاکستان کی جانب سے کپتان اظہر علی اور شرجیل خان نے اننگز کا آغاز کیا تو پہلی ہی گیند پر اظہر علی وکٹوں کے پیچھے کیچ ہو گئے۔ انہیں شینن گیبریئل نے آؤٹ کیا تاہم پاکستان کا دوسرا نقصان 15 اوورز میں سامنے آیا جب شرجیل خان 43 گیندوں پر نصف سنچری مکمل کرنے کے بعد پویلین روانہ ہوئے۔

cric-1

شرجیل خان نے جارحانہ انداز میں بیٹنگ کرتے ہوئے 6 چوکے اور 3 چھکوں کی مدد سے اپنی نصف سنچری مکمل کی، نئے آنے والے بلے باز شعیب ملک وکٹ پر زیادہ دیر تک رُکنے میں ناکام رہے اور صرف 7 رنز بنا کر نارائن کے ہاتھوں ایل بی ڈبلیو ہو کر پویلین روانہ ہوئے۔

بیٹنگ لائن کو سہارا دینے کے لیے بابر اعظم اور وکٹ کیپر سرفراز احمد نے محتاط انداز میں کھیلتے ہوئے لمبی شراکت داری قائم کی تاہم وکٹ کیپر سرفراز رامدین کی بال کو کھیلتے ہوئے ناکام ہوئے اور کینچ دے کر 35 رنز کی اننگز کھیل کر پویلین روانہ ہوگئے۔

cric-2

پاکستان کی جانب سے بابر اعظم 135 بالز کا سامنا کرتے ہوئے 8 چوکوں اور تین چھکوں کی مدد سے 120 رنز کا سب سے بڑا اسکور کرنے میں کامیاب رہے، وہ کیران پولارڈ کی گیند پر غلط شارٹ کھیلتے ہوئے بریتھ ویٹ کے ہاتھوں میں کینچ آؤٹ ہوئے۔

بابر اعظم کے بعد محمد رضوان کا ساتھ دینے کے لیے آل راؤنڈر عماد وسیم کریز پر آئے اور 24 بالز کا سامنے کرتے ہوئے 24 رنز بنا کر پویلین روانہ ہوئے، بعد ازاں آنے والا بیٹسمین وکٹ پر رُکنے میں ناکام نظر آئے۔

قبل ازیں روشنی کم ہونے کے باعث کھیل روک دیا گیا تھا تاہم فلڈ لائٹس کی خرابی دور ہونے کے بعد میچ دوبارہ شروع کیا گیا اور 50 کے بجائے اسے 49 اوورز تک محدود کردیا گیا جبکہ وقت ضائع ہونے کے باعث ایک اننگز کے بعد کھانے کے وقفے کو بھی 10 تک محدود رکھنے کا فیصلہ کیا گیا۔ پاکستانی ٹیم کی جانب سے بابر اعظم اور شرجیل خان نے عمدہ بیٹنگ کا مظاہرہ کیا۔

ٹاس کے بعد پاکستانی کپتان اظہر علی نے گفتگو کرتے ہوئے کہا کہ ٹی ٹوئنٹی سیریز میں وائٹ واش کے بعد کھلاڑیوں کا مورال بہت بلند ہوا ہے۔ جیت کے جذبے کو لے کر میدان میں اتریں گے اور بہترین کھیل پیش کرتے ہوئے فتح حاصل کرنے کی کوشش کریں گے۔

cric-5

قومی ٹیم میں ایک فاسٹ باؤلر عمر گل کی جگہ وہاب ریاض کو موقع دیا گیا ہے جبکہ ویسٹ انڈین ٹیم میں کریگ بریتھ ویٹ اپنے ایک روزہ میچ کے کیریئر کا آغاز کررہے ہیں۔

پاکستان ٹیم میں کپتان اظہر علی سمیت، شرجیل، بابر اعظم، محمد رضوان، شعیب ملک، وکٹ کیپر سرفراز احمد، محمد نواز، عماد وسیم، محمد عامر، وہاب ریاض اور حسن علی کو ٹیم میں شامل کیا گیا ہے۔

ویسٹ انڈیز کی ٹیم میں کپتان جیسن ہولڈر، کریگ بریتھ ویٹ، جانسن چارس، ڈیرن براوو، مارلن سیمیولز، دنیش رامدین، کیرون پولارڈ، جیسن ہولڈر، کارلوس بریتھ ویٹ، سنیل نارائن، سلیمان بین اور شینن گیبریئل شامل ہیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top