The news is by your side.

Advertisement

کرکٹر شرجیل خان کی سزا دس اگست کو ختم ہوگی، ری ہیب پروگرام مکمل کرنا ہوگا

لاہور : دو ڈاٹ بالز کھیلنے کی ڈیل کے الزام میں سزا یافتہ کرکٹر شرجیل خان کی سزا دس اگست کو ختم ہورہی ہے، جس کے بعد انہیں ری ہیب پروگرام مکمل کرنا ہوگا۔

تفصیلات کے مطابق پی ایس ایل اسپاٹ فکسنگ کیس میں سزا پانے والے قومی کرکٹ ٹیم کے اوپنر شرجیل خان کو دی جانے والی سزا دس اگست کو اپنے اختتام کو پہنچے گی۔

قوانین کے مطابق سزا کی مدت مکمل ہونے کے بعد شرجیل خان کو ری ہیب پروگرام مکمل کرنا ہوگا جس کے لیے کرکٹر کی طرف سے تاحال کوئی رابطہ نہیں کیا گیا ہے،۔

ترجمان پی سی بی کا کہنا ہے کہ ری ہیب پروگرام کی تکمیل کے بعد ہی شرجیل خان کو ٹیم میں کھیلنے کی اجازت سی جاسکے گی۔ اس حوالے سے کرکٹر کے وکیل کا کہنا ہے کہ شرجیل خان کو ری ہیب پروگرام کیلیے جلد پی سی بی سے رابطہ کیا جائے گا۔

خیال رہے کہ کرکٹر شرجیل خان پر پی ایس ایل ٹو میں فکسنگ کا یہ الزام تھا کہ انہوں نے میچ میں رقم کے عوض دو ڈاٹ بالز کھیلیں۔ شرجیل خان پر پاکستان کرکٹ بورڈ کوڈ کی پانچ شقوں کی خلاف ورزی کا الزام تھا جس کے بعد ان پر پانچ سال کی پابندی عائد کی گئی۔

مزید پڑھیں : شرجیل خان کو دو ڈاٹ بالز کھیلنے کی ڈیل پر سزا دی گئی، تفصیلی فیصلہ

ڈیل یہ طے ہوئی تھی کہ پہلے میچ میں پہلے اوور کے بعد دو لگاتار ڈاٹ بالز کھیلنی ہیں، شرجیل نے اٹھک بیٹھک کے ذریعہ بکی کو اشارہ دیا کہ ڈیل آن ہے۔ پھر دو ڈاٹ بالز کھیلنے سے قبل اٹھک بیٹھک لگا کر بکی کو پیغام دیا۔

Comments

comments

یہ بھی پڑھیں