کراچی : سندھ ہائی کورٹ میں شرجیل میمن کی درخواست ضمانت پرسماعت کےدوران شرجیل میمن کےوکیل کی عدم حاضری پرسماعت ملتوی کردی گئی۔
تفصیلات کےمطابق سندھ ہائی کورٹ میں شرجیل میمن کے وکیل نے ضمانت کے لیے درخواست دائرکی تھی جس کی سماعت آج ہوئی،تاہم وکیل کی عدم حاضری کے باعث عدالت نےسماعت غیر معینہ مدت تک ملتوی کردی۔
یاد رہےکہ دوروز قبل احتساب عدالت میں محکمہ اطلاعات میں اربوں روپے کی کرپشن کے کیس میں سابق صوبائی وزیرشرجیل میمن کی عدم پیشی پراظہار برہمی کرتےہوئےانہیں اشتہاری قراردینےکاحکم برقرار رکھاتھا۔
مزید پڑھیں:احتساب عدالت کا شرجیل میمن کوگرفتار کرکےپیش کرنےکاحکم
دوسری جانب نیب پراسیکیوٹر کا کہنا تھاکہ اشتہاری قرار دینے کی کارروائی شروع ہونے کے بعد نہیں روکی جاسکتی ہے،ثابت کریں گے شرجیل میمن کی درخواست عدالت کوگمراہ کررہی ہے۔
واضح رہےکہ احتساب عدالت نےسابق صوبائی وزیرشرجیل میمن اور دیگرمفرور ملزموں کو7مارچ تک گرفتار کرکے پیش کرنےکاحکم دیاتھا۔
