شراب برآمدگی کیس: معاملہ عدالت میں ہےاس لیےکچھ کہنا نہیں چاہتا‘ شرجیل میمن -
The news is by your side.

Advertisement

شراب برآمدگی کیس: معاملہ عدالت میں ہےاس لیےکچھ کہنا نہیں چاہتا‘ شرجیل میمن

کراچی : اسپتال کے کمرے سے شراب کی بوتلیں ملنے سے متعلق سابق صوبائی وزیر اطلاعات شرجیل میمن کا کہنا ہے کہ انکوائری چل رہی ہے سب سامنے آجائے گا۔

تفصیلات کے مطابق کراچی میں احتساب عدالت میں پیپلزپارٹی کے رہنما شرجیل میمن اور دیگرملزمان کے خلاف کرپشن ریفرنس کی سماعت ہوئی۔

سابق صوبائی وزیراطلاعات ونشریات کو عدالت میں پیش کیا گیا تاہم نیب پراسیکیوٹر کی عدم موجودگی کے باعث سماعت 26 ستمبر تک ملتوی کردی گئی۔

عدالت کے باہر صحافی نے شرجیل میمن سے سوال کیا کہ چیف جسٹس کے سب جیل کے دورے پر کیا کہیں گے؟۔ انہوں نے کہا مجھ پر مقدمہ درج ہوچکا ہے، انکوائری چل رہی ہے سب سامنے آجائے گا۔

سابق صوبائی وزیر سے صحافی نے سوال کیا کہ کیا آپ کی پارٹی آپ کا دفاع نہیں کررہی؟ جس پر انہوں نے جواب دیا کہ یہ میرا ذاتی مسئلہ ہے پارٹی کا نہیں۔

پیپلزپارٹی کے رہنما شرجیل میمن نے مزید کہا کہ میرے میڈیکل ٹیسٹ ہورہے ہیں، معاملہ عدالت میں ہے اس لیے کچھ کہنا نہیں چاہتا۔

شرجیل میمن کےکمرے سےشراب کی بوتلیں برآمد

یاد رہے کہ گزشتہ دنوں چیف جسٹس میاں ثاقب نثار نے ضیاء الدین اسپتال کا دورہ کیا تھا، دورے کے دوران شرجیل میمن کے کمرے سے شراب کی تین بوتلیں برآمد ہوئی تھیں۔

بعدازاں چیف جسٹس نے شرجیل میمن کو فوری طورپراسپتال سے جیل منتقل کرنے کا حکم دیا تھا۔

Comments

comments

یہ بھی پڑھیں