کراچی : پیپلزپارٹی کے رہنما اور سابق صوبائی وزیر اطلاعات ونشریات شرجیل انعام میمن کا کہنا ہے کہ کسی صورت سندھ کو تقسیم ہونے نہیں دیں گے۔
تفصیلات کے مطابق کراچی میں میڈیا سے گفتگو کرتے ہوئے پیپلزپارٹی کے رہنما شرجیل میمن نے کہا کہ بلاول بھٹو اس وقت پاکستان کے سب سے مقبول ترین لیڈرہیں۔
شرجیل میمن کا کہنا تھا کہ لوگ بلاول بھٹوزرداری کو ایک ترقی پسند نوجوان لیڈر کے طور پرپسند کرتے ہیں۔
سابق صوبائی وزیر اطلاعات ونشریات کا یہ بھی کہنا تھا کہ الیکشن شفاف ہوئےتوانتخابات میں پیپلزپارٹی کامیاب ہوگی۔
جی ڈی اے سے متعلق شرجیل میمن کا کہنا تھا کہ جی ڈے اے کے رہنما سندھ کی تقسیم کی بات کررہے ہیں مگرہم کسی صورت سندھ کو تقسیم ہونے نہیں دیں گے۔
پیپلزپارٹی ودیگرجماعتوں کوالیکشن میں حصہ لینےسےروکا جارہا ہے‘ بلاول بھٹو
واضح رہے کہ گزشتہ ہفتے چیئرمین پیپلزپارٹی بلاول بھٹوزرداری کا کہنا تھا کہ انتخابات کے لیے پیپلزپارٹی کوسازگارماحول نہیں مل رہا، انتخابی مہم کے دوران خوف کی فضا پیدا کرنے کی کوشش کی جارہی ہے
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
