site
stats
پاکستان

کرپشن کیس: شرجیل میمن جوڈیشل ریمانڈ پر جیل روانہ

کراچی: محکمہ اطلاعات سندھ میں 5 ارب 75 کروڑ روپے کی کرپشن کے مقدمے میں کراچی کی احتساب عدالت نے سابق صوبائی وزیر اطلاعات شرجیل میمن کو 10 روزہ جوڈیشل ریمانڈ پر 4 نومبر تک جیل بھجوا دیا۔ سابق صوبائی وزیر کی گرفتاری کے خلاف درخواست پر نیب کو 4 نومبر کے لیے نوٹس جاری کردیا گیا۔

تفصیلات کے مطابق محکمہ اطلاعات سندھ میں کرپشن کے کیس میں گزشتہ روز گرفتار ہونے والے سابق صوبائی وزیر شرجیل انعام میمن کو بکتر بند گاڑی میں احتساب عدالت لایا گیا۔

عدالت نے نیب اور وکیل صفائی کے دلائل سننے کے بعد سابق صوبائی وزیر کو 10 روزہ جوڈیشل ریمانڈ پر 4 نومبر تک جیل بھجوا دیا۔

مزید پڑھیں: شرجیل میمن 11 ساتھیوں سمیت گرفتار

شرجیل میمن کے وکیل نے اپنے مؤکل کی رہائی کے لیے عدالت میں درخواست بھی دائر کی جس میں کہا گیا ہے کہ ضابطہ فوجداری کی دفعہ 91 کے تحت ملزم کو ذاتی مچلکوں پر رہا کیا جا سکتا ہے۔ شرجیل میمن تفتیش میں مکمل تعاون کرر ہے ہیں۔

پیشی کے موقع پر پیپلز پارٹی کے رہنما سعید غنی، مکیش کمار چاولہ سمیت دیگر رہنما اور جیالے بھی عدالت پہنچنے۔ شرجیل میمن کے بیٹے کو عدالت داخل ہونے سے پہلے روکا گیا لیکن پھر جانے دے دیا گیا۔

یاد رہے کہ گزشتہ روز سندھ ہائیکورٹ نے محکمہ اطلاعات سندھ میں کرپشن کیس میں نامزد شرجیل میمن سمیت 11 ملزمان کی عبوری ضمانت میں توثیق کی درخواست مسترد کردی تھی جس کے بعد احاطہ عدالت سے شرجیل میمن کو نیب حکام نے گرفتار کرلیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top