کراچی: صوبائی وزیر اطلاعات شرجیل انعام میمن نے کہا ہے کہ حیدرآباد میں پیپلز بس سروس کا باقاعدہ آغاز اس ماہ میں ہوجائے گا۔
تفصیلات کے مطابق وزیر اطلاعات وٹرانسپورٹ سندھ شرجیل انعام میمن نے پیپلز بس سروس سے متعلق سماجی رابطوں کی ویب سائٹ ٹوئٹر پر ایک ویڈیو شیئر کی ہے۔
جس میں انہوں نے لکھا کہ پیپلزبس سروس کوپورےصوبےمیں وسعت دی جا رہی ہے، اب حیدرآباد کے شہری پیپلز بس سروس سے سفر کر سکیں گے۔
After Karachi & Larkana, now the people of #Hyderabad will be able to commute through #PeoplesBusService. As promised we are expanding it across the province so that every citizen can enjoy with the best travel facility. Inshallah bus service will be start in this month. pic.twitter.com/7vUcyeYs6v
— Sharjeel Inam Memon (@sharjeelinam) November 4, 2022
شرجیل میمن کا کہنا تھا کہ اب ہر شہری بہترین سفری سہولت سے فائدہ اٹھا سکے گا، اس ماہ میں حیدرآباد میں پیپلز بس سروس کا باقاعدہ آغاز ہوجائے گا۔
وزیر اطلاعات وٹرانسپورٹ شرجیل انعام میمن نے مزید بتایا کہ پہلے روٹ کیلئے حیدرچوک سے ہٹڑی پولیس اسٹیشن کا انتخاب کیا گیا، حیدرآباد میں روٹ پر15بس اسٹاپ بنائے جائیں گے۔
