کراچی : پیپلزپارٹی کی رہنما شرمیلا فاروقی کا کہنا ہے کہ حکومت کہتی ہے وی پی این سے انٹرنیٹ سلو ہوگیا، ہم ان پڑھ یا ناسمجھ نہیں، حکومت سچ بولے اور سپورٹ مانگےتووہ بھی ملے گی۔
تفصیلات کے مطابق پیپلزپارٹی کی رہنما شرمیلا فاروقی نے اے آر وائی نیوز کے پروگرام باخبر سویرا میں گفتگو کرتے ہوئے کہا کہ حکومت کی طرف سے انٹرنیٹ سےمتعلق ابھی کوئی جواب نہیں ملا، انٹرنیٹ سلو ہونے سے صارفین کو بہت مشکلات پیش آرہی ہیں۔
پیپلزپارٹی کی رہنما کا کہنا تھا کہ فائروال لگانےپراور کتناوقت لگےگا؟ حکومت کو اسٹیک ہولڈرزکواعتماد میں لیناچاہیے، انٹرنیٹ بندش سے تقریباً3 بلین ڈالرکانقصان ہوچکا ہے۔
انھوں نے کہا کہ حکومت سےسوال پوچھتے ہیں لیکن جواب نہیں آتا، کل ہماری اسٹینڈنگ کمیٹی کی میٹنگ ہے،ہم سوال پوچھیں گے، اپوزیشن ممبران کوبھی تحفظات ہیں،جب سب سوال کرینگےتوجواب دیناہوگا.
رہنما پی پی کا کہنا تھا کہ گزشتہ ڈیڑھ ہفتےسےانٹرنیٹ کنیکٹویٹی میں بہت سےمسائل ہیں، تصاویرڈاؤن لوڈ نہیں ہورہیں،فون کالزتک نہیں مل رہیں، انٹرنیٹ کی بندش یا سلو ہونےسےپاکستان کونقصان پہنچ رہا ہے۔
شرمیلافاروقی نے بتایا کہ حکومتی لوگ دعویٰ کررہے ہیں کہ بلین ڈالرزکانقصان ہورہاہے، انٹرنیٹ بندش پرحکومتی لوگوں کوبھی تشویش ہے، لوگ سوچ ہے اپنا بزنس باہرمنتقل کردیں۔
ان کا مزید کہنا تھا کہ حکومت عوام کو بتائےانٹرنیٹ میں خلل کس وجہ سے ہے، پاکستان میں کوئی بھی بزنس کرنااب آسان نہیں رہا، بجٹ میں بھی دیکھیں توعوام کو اتنا ریلیف نہیں ملا ہے، ہم چاہتے ہیں پاکستان ڈیجیٹل اکنامی میں ترقی کرے۔
انھوں نے حکومت پر زور دیا کہ ڈیجیٹل ٹیررازم ہےتو آپ مانیٹرنگ کریں لیکن لوگوں کو اعتماد میں لیں، لوگوں کو پریشانی میں نہ رکھیں، حکومت بتائےوہ یہ کام کررہی ہےاس وجہ سےخلل ہے، اسٹیک ہولڈرزکواعتماد میں لئےبغیرکوئی قانون لائیں گےتووہ ناکام ہوجائےگا، ایسے قانون بنائےجارہے ہیں جس پراسٹیک ہولڈرزکواعتمادمیں ہی نہیں لیاجارہاہے۔
حکومتی دعویٰ پر انھوں نے کہا کہ یہ کہنا کہ وی پی این سےانٹرنیٹ سلوہوگیا،ہم ناسمجھدارتونہیں ہیں، حکومت سچ بولےاورسپورٹ مانگےگی تووہ بھی ملےگی، جھوٹ بولاجائےتوعوام بھی حکومت کا ساتھ نہیں دے گی۔
