کراچی : پاکستان اسٹاک مارکیٹ میں شدید مندی کے باعث 1383 پوائنٹس کی کمی کے بعد انڈیکس 39 ہزارکی نفسیاتی حد سے بھی نیچے آگیا۔
تفصیلات کے مطابق کاروباری ہفتے کے دوسرے روز پاکستان اسٹاک مارکیٹ میں شدید مندی کا رحجان ہے۔
ٹریڈنگ کے دوران 100انڈیکس 1383 پوائنٹس کی کمی ریکارڈ کی گئی اور جس کے بعد 100انڈیکس 39 ہزار پوائنٹس کی نفسیاتی حد سے نیچے آ گیا۔
پاکستان اسٹاک ایکسچینج کے 100انڈیکس میں38 ہزار 337 پوائنٹس پر ٹریڈنگ جاری ہے۔
ماہرین کا کہنا ہے کہ حکومت اور آئی ایم ایف مزاکرات میں تعطل کی خبروں سے سرمایہ داروں میں بے چینی پھیل گئی ہے۔
دوسری جانب سیاسی اور معاشی عدم استحکام بھی بڑھ رہا ہے، اس لئے شیئر ہولڈرز اپنے حصص دھڑا دھڑ فروخت کر رہے ہیں۔
Comments
- Advertisement -