The news is by your side.

Advertisement

مکان کی تعمیر کیلئے 20لاکھ کا قرضہ، عوام کیلئے اہم اعلان

اسلام آباد: وزیرخزانہ شوکت ترین کا کہنا ہے کہ کامیاب جوان پروگرام کا آغاز وزیراعظم عمران خان کا خواب ہے، پروگرام کے تحت مکان کی تعمیر کیلئے 20لاکھ کا قرضہ دیں گے۔

تفصیلات کے مطابق وزیرخزانہ شوکت ترین نے اخوت کے زیراہتمام تقریب سے خطاب کرتے ہوئے کہا کہ اخوت کوبلاسود قرضوں پر رومان مگسا سے ایوارڈ ملا ہے ، اخوت پاکستان میں گراں قدرخدمات انجام دےرہاہے، انھوں نے غریب طبقےکو250ارب کابلاسودقرضہ دیا۔

شوکت ترین کا کہنا تھا کہ پاکستان میں معاشی کی شرح تیز کرنے پر توانائیاں لگارہےہیں، وزیراعظم عمران خان غریب طبقے کو فنڈز دینا چاہتے ہیں۔

وزیر خزانہ نے مزید کہا کہ کامیاب جوان پروگرام کا آغاز وزیراعظم عمران خان کا خواب ہے، کامیاب جوان پروگرام میں فصل کیلئے ڈیڑھ کروڑ روپے کا قرضہ مل سکتا ہے اور مکان کی تعمیرکیلئے20لاکھ کاقرضہ بھی دیں گے۔

ان کا کہنا تھا کہ کامیاب جوان پروگرام میں صحت کارڈبھی ہوگا، بلاسودقرض عوام کی نچلی سطح تک مددکیلئےاہم ہیں، تین چار سال میں عوام کی نچلی سطح پرانقلاب نظرآئےگا۔

Comments

یہ بھی پڑھیں