پشاور :پی ٹی آئی رہنما شوکت یوسف زئی نے سول نافرمانی کی تحریک شروع نہ کرنے کی وجہ بتادی۔
تفصیلات کے مطابق پاکستان تحریک انصاف کے رہنما شوکت یوسف زئی نے اپنے بیان میں کہا ہے کہ مذاکراتی کمیٹی نہ بنتی توآج سے سول نافرمانی کی تحریک شروع ہوجاتی۔
شوکت یوسفزئی کا کہنا تھا کہ مذاکراتی کمیٹی کا مقصد حکومت سے مذاکرات تھا، حکومت سمجھتی ہے پی ٹی آئی کمزور پڑگئی۔
انھوں نے کہا کہ حکومت مذاکرات مذاکرات کھیلتی رہی اور بانی سنجیدہ ہوئے تو پچھے ہٹ گئی لیکن دو دن میں مذاکرات شروع نہ ہوئے تو لائحہ عمل کا اعلان کریں گے۔
مزید پڑھیں : کلیریٹی آنے پر سول نافرمانی کریں گے، وزیر اعلیٰ کے پی
رہنما پی ٹی آئی کا کہنا تھا کہ کسی بھی نقصان کی ذمہ دارحکومت ہوگی، بیرون ملک مقیم پاکستانیوں سے 4 بلین ڈالرز نہ آئیں تو کتنی مشکلات ہوں گی۔
گذشتہ روز وزیر اعلیٰ خیبر پختونخوا علی امین گنڈاپور نے کہا تھا کہ سول نافرمانی کا اعلان انھوں نے نہیں بانی پی ٹی آئی نے کیا ہے، اس لیے بانی جو بھی فیصلہ کریں گے وہ اس پر عمل کریں گے۔
