پاکستان کی معروف گلوکارہ شازیہ منظور نے اب تک شادی نہ کرنے کی وجہ سے پردہ اٹھادیا۔
معروف گلوکارہ شازیہ منظور نے حال ہی میں ایک نجی ٹی وی چینل کو انٹرویو دیا جہاں انہوں نے اپنی نجی زندگی سے متعلق کھل کر بات کی۔
شادی نہ کرنے کے سوال پر گلوکارہ نے کہا کہ میں سنا کرتی تھی کہ فنکار کی شادی اُن کے فن سے ہو جاتی ہے، جو بھی اپنے پیشے سے محبت کرنے والے افراد ہیں اُن کی پہلی محبت اُن کا پیشہ ہی ہوتا ہے۔
شازیہ منظور نے کہا کہ میں نے گلوکاری کرنے کے لیے بہت جِدو جہد کی تھی، مجھے بہت محنت کرنا پڑی، اس دوران شادی کی طرف میرا دھیان ہی نہیں گیا کہ مجھے شادی کرنی چاہیے۔
انہوں نے کہا کہ میں بھی انسان ہوں، میرے کرش بھی تھے، مجھے محبت بھی ہوئی تھی مگر میرے حالات ایسے تھے کہ معاملات آگے بڑھ نہیں سکے اور مجھے اس پر کوئی پچھتاوا بھی نہیں ہے۔
شازیہ منظور نے بھی بتایا کہ میوزک انڈسٹری میں آنے سے قبل میری منگنی ہوئی تھی اور میری منگنی میرے پیشے کی وجہ سے ٹوٹ گئی تھی، میری خاندان ہی میں منگنی ہوئی تھی، سسرالیوں نے اس لیے منگنی توڑ دی کیوں کہ میں نے گلوکاری شروع کر دی تھی۔
