کراچی : سندھ ہائیکورٹ نے آئی جی سندھ اور دیگرکیخلاف توہین عدالت کیس میں فرد جرم عائد کر دی، ملزمان کیخلاف فرد جرم عائدکرنیکےموقع پر آئی جی سندھ سمیت تمام ملزمان موجود تھے.
سندھ ہائیکورٹ میں نقاب پوش اہلکاروں کاذوالفقار مرزااورساتھیوں پر تشدد کے معاملے پر آئی جی سندھ اور دیگر کیخلاف توہین عدالت کیس کی سماعت ہوئی، آئی جی سندھ غلام حیدر جمالی،سابق ایڈیشنل آئی جی غلام قادرتھیبو سمیت دیگراعلی پولیس حکام جسٹس احمدعلی شیخ کی عدالت میں پیش ہوئے.
سماعت شروع ہوتے ہی عدالت نے حکم دیا کہ فرد جرم عائد کر رہےہیں، ملزمان سامنے آجائیں، جس پر آئی جی سندھ سمیت اعلی پولیس حکام ملزمان کیطرح ایک صف میں کھڑے ہوگئے، ڈی آئی جی ساﺅتھ ڈاکٹر جمیل اورایس ایس پی چودھری اسدکی عدم موجودگی پرعدالت نے اظہار برہمی کرتے ہوئے انہیں پندرہ منٹ میں پیش ہونے کا حکم دیا، بصورت دیگر آئی جی سندھ کیخلاف کارروائی اور دونوں ملزمان کو ہتھکڑی لگا کر پیش کرنیکا حکم دیا۔
عدالتی انتباہ پر ڈی آئی جی ساوتھ ڈاکٹر جمیل اورایس ایس پی چوہدری اسد گرفتاری کےخوف سے پندرہ منٹ سے پہلے ہی عدالت پہنچ گئے.
0
20
