کراچی: سندھ ہائیکورٹ نے اسسٹنٹ کمشنرز کے لئے نئی ڈبل کیبن گاڑیوں کی خریداری کے نوٹیفکیشن پر عمل درآمد روک دیا۔
تفصیلات کے مطابق سندھ ہائیکورٹ میں اسسٹنٹ کمشنرز کے لئے نئی ڈبل کیبن گاڑیوں کی خریداری کیخلاف درخواست پر سماعت ہوئی۔
سندھ ہائیکورٹ نے اسسٹنٹ کمشنرز کے لئے نئی ڈبل کیبن گاڑیوں کی خریداری کے نوٹیفکیشن پر عمل درآمد روک دیا۔
عدالت نے جماعت اسلامی کے رکن سندھ اسمبلی کی درخواست پر فریقین سے چار ہفتوں میں جواب طلب کرلیا۔
جماعت اسلامی کے رکن سندھ اسمبلی محمد فاروق نے سندھ ہائیکورٹ میں درخواست دائر کی تھی، جس میں کہا گیا تھا کہ ڈبل کیبن گاڑیوں کے لئے دو ارب روپے کی رقم جاری کی جارہی ہے، جبکہ معیشت شدید دباؤ میں ہے،فنڈز کو فلاحی منصوبوں پر خرچ کرنے کا حکم دیا جائے۔
درخواست میں صوبائی حکومت،چیف سیکریٹری،سیکریٹری خزانہ اور بورڈ آف ریوینیو کو فریق بنایا گیا ہے۔
