کراچی : نیو کراچی سے اغوا ہونے والی لڑکی نے عدالت میں ساری کہانی سنادی کہ کیسے اغوا کے بعد زبردستی شادی کی گئی۔
تفصیلات کے مطابق سندھ ہائی کورٹ میں نیو کراچی سے کم عمر لڑکی کے اغوا اور جبری شادی کے کیس کی سماعت ہوئی۔
شیلٹر ہوم حکام نے لڑکی کو عدالت میں پیش کیا، لڑکی نے عدالت میں بیان دیتے ہوئے کہا کہ ملزم رفاقت مجھے ڈرا دھمکا کر سیالکوٹ لے کر گیا تھا ملزم رفاقت نے زبردستی مجھ سے شادی کی۔
- Advertisement -
وکیل درخواست گزار نے کہا کہ نیو کراچی سے گزشتہ برس تیرہ سالہ لڑکی کو محلہ دار رفاقت نے اغوا کرکے سیالکوٹ لیجا کر جبری شادی کی۔
لڑکی کے اغوا کا مقدمہ خواجہ اجمیر نگری تھانے میں درج ہے، عدالت نے تفتیشی افسر کو لڑکی کا بیان ریکارڈ کرکے لڑکی کو والدین کے حوالے کرنے کا حکم دیتے ہوئے بچی کی بازیابی پر درخواست نمٹا دی۔
