کراچی: سندھ ہائی کورٹ نےآئی جی سندھ اے ڈی خواجہ کے بعد سندھ حکومت کی جانب سے باغ ابنِ قاسم بحریہ ٹاؤن کو دیے جانے کا نوٹی فیکیشن بھی معطل کردیا۔
تفصیلات کے مطابق سندھ ہائی کورٹ نے ایک دن میں سندھ حکومت کے 2 نوٹی فکیشن معطل کردیئے، قائم مقام آئی جی سندھ کی تعیناتی کے نوٹیفیکشن کے بعد بعد باغ ابن قاسم حوالے کرنے سےمتعلق سندھ حکومت کا نوٹیفکیشن میئر کراچی وسیم اختر کی درخواست پر آج ہی معطل کردیا گیا ہے.
واضح رہے کہ وسیم اختر نے باغ ابن قاسم بحریہ ٹاؤن کو دینے کا معاہدہ کالعدم قراردینے کے لئے سندھ ہائی کورٹ میں درخواست دائر کی تھی ۔ وسیم اختر کا کہنا ہے باغ ابن قاسم کے ایم سی کے پاس ہی ہے‘ کسی کو نہیں دیا۔
قائم مقام آئی جی سندھ کا نوٹی فیکیشن معطل‘ عدالت کی اے ڈی خواجہ کو کام جاری رکھنے کی ہدایت
یاد رہے کہ آج ہی سندھ ہائی کورٹ نے قائم مقام آئی جی سندھ کا نوٹی فیکیشن معطل کرکے اے ڈی خواجہ کو کام جاری رکھنے کی ہدایت بھی کی تھی.
ملک ریاض کا اسٹیک ہولڈرزکے اتفاق کے بغیربن قاسم پارک لینے سے انکار
اس حوالے سے بحریہ ٹاون کے سربراہ ملک ریاض کا کہنا تھا کہ باغ ابن قاسم کو عالمی معیارکاپارک بنانا چارہے تھے، میں اس معاملے کو متنازع بنانا نہیں چاہتا ہوں. کچھ لوگوں کو ہمارے کام سے تکلیف ہے،جب تک سب میں اتفاق نہ ہوجائے میں یہ پارک نہیں لوں گا، ہم عوامی سہولت کے لئے پارک کی حالت بہتر کرنے کی ذمہ داری لے رہے تھے، یہ خود کام کرتے ہیں نہ دوسروں کو کرنے دیتے ہیں.
