بھارتی اداکارہ شیفالی جریوالا نے اپنی آخری سوشل میڈیا پوسٹ میں اپنے آنجہانی دوست اور بگ باس کے ساتھ کو یاد کیا تھا جس نے ہلچل مچادی۔
کانٹا لگا گرل شیفالی ایکس پر کچھ عرصے سے غیرفعال تھیں، تاہم ان کی آخری پوسٹ 2 ستمبر 2024 کو کی گئی تھی، 2021 میں سدھارتھ شکلا کی موت اسی تاریخ کو ہوئی تھی، 40 سال کی عمر میں سدھارتھ دل کا دورہ پڑنے کے سبب چل بسے تھے۔
آنجہانی شیفالی نے 2024 میں کے اواخر میں کی گئی اپنی آخری ایکس پوسٹ شیئر کی تھی، انھوں نے سدھارتھ شکلا کے ہمراہ بگ باس کے سیٹ پر لی گئی اپنی تصویر شیئر کی۔
سوشل میڈیا کی اس پوسٹ میں شیفالی اور سدھارتھ کی بگ باس 13 ہاؤس کی ایک تصویر اپ لوڈ کی گئی تھی جس میں وہ گرمجوشی سے ایک دوسرے کو گلے لگائے ہوئے ہیں۔
شیفالی اس تصویر میں مسکراتی نظر آرہی ہی، انھوں نے ایکس پوسٹ کے کیپشن میں لکھا کہ ‘آج تمہیں یاد کر رہی ہوں میرے دوست سدھارتھ شکلا’۔
Thinking of you today mere dost @sidharth_shukla ❤️ pic.twitter.com/sZNv6Ft1hG
— Shefali Jariwala (@shefalijariwala) September 2, 2024
بھارتی اداکارہ شیفالی جریوالا گزشتہ دنوں اچانک دل کا دورہ پڑنے سے چل بسی تھیں، اسپتال انتظامیہ نے تصدیق کی تھی کہ جب انھیں اسپتال لایا گیا تو وہ مرچکی تھیں۔
شیفالی جریوالا کی اچانک موت کی خبر نے بھارتی شوبز انڈسٹری اور ان کے مداحوں کو صدمے سے دوچار کردیا تھا اور اکثر لوگ کافی حیرانی کا اظہار بھی کررہے تھے۔
میڈیا رپورٹس کے مطابق ایک بیان میں ممبئی پولیس نے بتایا تھا کہ ہمیں ان کی موت کے بارے میں رات 1 بجے اطلاع ملی، شیفالی کی لاش پوسٹ مارٹم کے لیے کوپر اسپتال بھیج دی گئی ہے، شیفالی کی موت کی وجہ ابھی تک واضح نہیں۔
’چاہتی ہوں مجھے موت تک۔۔۔‘: شیفالی جریوالا کا مرنے سے قبل دیا گیا انٹرویو وائرل
