بنی گالا: سابق وفاقی وزیر اور تحریک انصاف کے رہنما مراد سعید نے شہباز گل کی گرفتاری پر سخت ردعمل دے دیا۔
سماجی رابطے کی ویب سائٹ ٹویٹر پر پی ٹی آئی رہنما مراد سعید نے لکھا کہ کل رات واضح طور پر کہا تھا کہ عمران خان ریڈ لائن ہے۔
انہوں نے لکھا کہ ملکی خودداری کا سودا کرنے والے یہ بات کان کھول کر سن لو۔ خبردار۔‘
کل رات واضح طور پر کہا تھا کہ عمران خان ریڈ لائن ہے۔ ملکی خودداری کا سودا کرنے والو کان کھول کر سن لو۔۔۔۔خبردار
— Murad Saeed (@MuradSaeedPTI) August 9, 2022
دوسری جانب پی ٹی آئی رہنما حماد اظہر نے کہا کہ پورا نظام عمران خان اور ساتھیوں کو خاموش کرانے اور عوام کے دلوں سے نکالنے پر لگا ہے۔
انہوں نے کہا کہ تمام حدود پار ہوگئیں لیکن وفاق کٹھ پتلی حکومت ناکام ترین اور بدنام ترین ہی ہے۔
حماد اظہر نے لکھا کہ ’اب شہباز گل کی گرفتاری سے کیا مفتاح کو معیشت چلانا آجائے گی۔
پورا نظام عمران خان اور اُن کے ساتھیوں کو خاموش کرانے اور عوام کے دلوں سے نکالنے پر لگا ہے۔تمام حدود پار ہو گئیں لیکن وفاق میں کٹھپتلی حکومت ناکام ترین اور بدنام ترین ہی ہے۔ اب شہباز گل کی گرفتاری سے کیا مفتاح کو معیشت چلانا آجائے گی؟
— Hammad Azhar (@Hammad_Azhar) August 9, 2022
واضح رہے کہ پاکستان تحریک انصاف کے سینئر رہنما شہباز گل کو اسلام آباد سے گرفتار کرکے بغاوت کا مقدمہ درج کیا گیا ہے۔
نشریات کی بندش: اے آر وائی کی لائیو ٹرانسمیشن یہاں دیکھیں
سابق وفاقی وزیر اور پی ٹی آئی رہنما مراد سعید نے تصدیق کی ہے کہ شہباز گل کو گرفتار کر لیا گیا ہے۔ انہوں نے مزید کہا کہ حکومت بوکھلاہٹ کا شکار ہے۔
مراد سعید نے بتایا کہ شہباز گل کی گاڑی کے شیشے بھی توڑے گئے ہیں اور ڈرائیور پر تشدد بھی کیا گیا۔
جبکہ فواد چوہدری نے اس حوالے سے بتایا کہ شہباز گل کو بنی گالہ چوک سے بغیر نمبر پلیٹ گاڑیوں میں آئے لوگوں نے اغوا کیا۔