The news is by your side.

Advertisement

شہبازشریف کا کراچی کے تین حلقوں سے الیکشن لڑنے کا فیصلہ

سابق وزیر اعلیٰ پنجاب میاں شہباز شریف کراچی کے تین حلقوں سے انتخابات میں حصہ لیں گے، ان کا کہنا ہے کہ سندھ میں لوٹ مار کے سوا کوئی کام نہیں ہوا۔

تفصیلات کے مطابق پاکستان مسلم لیگ ن نے شہباز شریف کو کراچی کے تین اہم حلقوں سے الیکشن میں کھڑا کرنے کا بڑا فیصلہ کرلیا، شہبازشریف این اے 248 249،250سے الیکشن لڑیں گے۔

اس سلسلے میں مسلم لیگ ن کے رہنما سلیم ضیا نے کاغذات نامزدگی حاصل کرلیے ہیں، امکان ہے کہ کل شہباز شریف خود ان مذکورہ تین حلقوں سے کاغذات جمع کرائیں گے۔

لاہور میں میڈیا سے گفتگو کرتے ہوئے سابق وزیر اعلیٰ پنجاب شہباز شریف نے کہا کہ اندرون سندھ نوازشریف کی بہت گڈول ہے، وہاں لوٹ مار کے سوا کوئی کام نہیں ہوا۔

سندھ کے علاوہ کےپی میں بھی بہت گڈول ہے لیکن ہم نے وہاں انٹری دیر سے ڈالی، کے پی میں سندھ کے مقابلےمیں مقامی قیادت نے سنبھالا دیا، کراچی میں آپ دو ڈھائی سال پہلے قدم رکھتے توصورتحال مختلف ہوتی، آپ کا جو فیصلہ ہوگا اسےقبول کریں گے۔

انہوں نے واضح کیا کہ یہ بات سب کو سامنے رکھنی چاہیے کہ نوازشریف پارٹی کے قائد ہیں، پارٹی ٹکٹ سے متعلق جو فیصلہ ہوگا اس پرپابند ہوں۔

شہبازشریف کا مزید کہنا تھا کہ نوازشریف90کی دہائی میں پہلی بار ن لیگ کو سندھ لے کر گئے، انہوں نے ن لیگ کو سندھ کے ہاریوں تک پہنچایا، کے پی میں بھی آپ نے پارٹی کو عروج دلوایا، یہ علیحدہ بات ہے ہم اس کو کیپیٹلائز نہ کرسکے۔

شہبازشریف نے کہا کہ امن وامان، لوڈشیڈنگ کے خاتمے پر سندھ بھر میں آپ کیلئے محبت ہے، اس بات کا اندازہ کراچی میں پہلی بارجلسہ کرنے کے دوران ہوا، میں نے پنجاب کےعلاوہ کہیں جلسہ نہیں کیا نہ ہی آپ نے اجازت دی، کراچی کے شہری پہلی بات کراچی میں امن سے متعلق کرتے تھے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں