The news is by your side.

Advertisement

نیب کا نوازشریف اورشہبازشریف کو بھی کلین چٹ دینے کا فیصلہ

اسلام آباد : نیب نے نوازشریف اور شہبازشریف کو کلین چٹ دینے کا فیصلہ کرلیا۔ زیر التواء مقدمات نمٹانے کیلئے تیس ستمبر تک کی ڈیڈ لائن مقرر کردی۔ خصوصی کمیٹی نے بھی کیسز بند کرنے سفارش کردی۔

تفصیلات کے مطابق نیب شریف برادران پر مہربان ہونے کو تیار ہوگیا، وزیراعظم نوازشریف اور وزیراعلیٰ پنجاب شہباز شریف کے مقدمات نمٹانے کے لئے تیس ستمبر تک کی ڈیڈ لائن مقرر کردی گئی۔

ذرائع کے مطابق نیب نے شریف برادران کو الزامات سے بری کرنےکا فیصلہ کرلیا ہے۔ خصوصی کمیٹی نے نوازشریف اورشہبازشریف کےکیس بند کرنے کی سفارش کردی، حکام کے مطابق نوازشریف اور شہباز شریف کے خلاف ٹھوس ثبوت نہیں ملے۔

تیس ستمبرتک کیس بند کردیئے جائیں گے یا پھر ریفرنس بھیجنے کا فیصلہ ہوگا۔ شریف برادران پررائے ونڈ روڈ کی تعمیر،ایف آئی اے میں بھرتیاں اوراختیارات کے غلط استعمال کا الزام ہے۔

نیب کی نوازشات صرف شریف خاندان پرہی نہیں قریبی رفقاء اور احباب پر بھی نظر کرم کا امکان ہے۔ وزیراعظم کے معاون خصوصی ہارون اختر بھی ریلیف پانے والوں میں شامل ہوسکتے ہیں۔ اس سے قبل وزیرخزانہ اسحاق ڈار پر نیب پہلے ہی مہربانی کرچکا ہے، تیس ستمبرتک مقدمات نمٹانے والوں میں ایک سوتینتیس بااثر شخصیات کے نام بھی شامل ہیں۔

 

Print Friendly, PDF & Email

Comments

comments

یہ بھی پڑھیں