گوجرانوالہ میں ن لیگ کا جلسہ‘ تیاریاں جاری -
The news is by your side.

Advertisement

گوجرانوالہ میں ن لیگ کا جلسہ‘ تیاریاں جاری

گوجرانوالہ: صوبہ پنجاب کے شہر گوجرانوالہ میں مسلم لیگ ن آج سیاسی قوت کا مظاہرہ کرے گی، وزیراعلیٰ پنجاب شہبازشریف جلسہ عام سے خطاب کریں گے۔

تفصیلات مسلم لیگ ن گوجرانوالہ کے جناح اسٹیڈیم میں جلسے کا انعقاد کررہی ہے، جلسے کی تیاریاں جاری ہیں، وزیراعلیٰ پنجاب جلسے سے خطاب کریں گے۔

جلسہ گاہ میں 10 ہزار کرسیاں لگائی گئی ہیں جبکہ پنڈال کو پارٹی پرچموں سے سجا دیا گیا ہے۔ گوجرانوالہ کی سڑکوں اور شاہراؤں کو خیرمقدمی بینرز اور پوسٹرز سے سجایا گیا ہے۔

گوجرانوالہ میں جلسے کے لیے سیکورٹی کے سخت انتظامات کیے گئے ہیں، پولیس کے 2 ہزار اہلکار سیکورٹی کے فرائض انجام دیں گے۔


وزیر خارجہ خواجہ آصف پر نوجوان نے سیاہی پھینک دی


خیال رہے کہ گزشتہ روز سیالکوٹ میں وزیر خارجہ خواجہ آصف پر مسلم لیگ (ن) کے ورکرز کنونشن سے خطاب کے دوران نوجوان نے سیاہی پھینک دی تھی۔

یاد رہے کہ دو روز قبل بہاولپور میں جلسے سے خطاب کرتے ہوئے سابق وزیراعظم نواز شریف کا کہنا تھا کہ کسی کو اجازت نہیں دیں گے کہ ہمیں اپنے پیروں تلے روندے، کسی کو اپنے ووٹ بینک پرڈاکا ڈالنے نہیں دیں گے۔


نارووال:‌ وفاقی وزیر احسن اقبال پر جوتے سے حملہ


واضح رہے کہ گزشتہ ماہ 24 فروری کو نارووال میں ہونے والے ورکرز کنونشن کے دوران ایک شخص نے وفاقی وزیرداخلہ احسن اقبال پر جوتا پھینکا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں