اسلام آباد: وزیر اعظم شہباز شریف آج گوادر کا دورہ کریں گے جہاں وہ ایران سے آنے والی 100 میگا واٹ بجلی ٹرانسمیشن لائن کا سنگ بنیاد رکھیں گے۔
تفصیلات کے مطابق وزیر اعظم شہباز شریف آج ایک روزہ دورے پر گوادر پہنچیں گے، وزیر اعظم پورٹ کے احاطے میں سی بی سی میں اعلیٰ سطح کے اجلاس کی صدارت کریں گے۔
وزیر اعظم کو گوادر میں جاری ترقیاتی کاموں کے حوالے سے بریفنگ دی جائے گی۔
- Advertisement -
اپنے دورے کے دوران وزیر اعظم مکران ڈویژن کے لیے ایران سے آنے والی 100 میگا واٹ بجلی ٹرانسمیشن لائن کا سنگ بنیاد رکھیں گے، وزیر اعظم عمائدین اور ماہی گیروں کے وفود سے بھی ملاقاتیں کریں گے۔
