سابق وزیراعظم اور مسلم لیگ ن کے صدر شہبازشریف نے کہا ہے کہ امید ہے عام انتخابات میں سادہ اکثریت مل جائے گی۔
تفصیلات کے مطابق پاکستان کے سابق وزیراعظم شہباز شریف کا کہنا ہے کہ میاں محمند نواز شریف ن لیگ کے وزارت عظمیٰ کے امیدوار ہیں۔ امید ہے کہ عام انتخابات میں سادہ اکثریت مل جائے گی۔
انھوں نے کہا کہ 16 ماہ پاکستان کو دیوالیہ ہونے سے بچانے کی جنگ کی تھی۔ ووٹ کو عزت دو کا مطلب ہے 5 سال میں لوڈشیڈنگ ختم کردیں گے۔
پاکستان مسلم لیگ ن کے صدر شہبازشریف کا کہنا تھا کہ 9 مئی کا واقعہ نہ ہوتا تو بانی پی ٹی آئی جیل میں نہیں ہوتے۔
سابق وزیراعظم نے کہا کہ دہشت گردی سر اٹھا رہی ہے،پاکستان کو اتحاد اور اتفاق کی ضرورت ہے ہمارا مقابلہ کسی جماعت سے نہیں ماضی کی کارکردگی سے ہے۔
