15 سالہ اقتدار اور ملک چھوڑ کر بھارت فرار ہونے والی معزول وزیراعظم حسینہ واجد کے بیٹے سجیب واجد نے بنگلہ دیش سے ہی لاتعلقی ظاہر کر دی ہے۔
سجیب واجد جو اپنی والدہ کے دور اقتدار میں ان کے مشیر بھی رہے اور بنگلہ دیش میں حکومت خاتمے کے وقت امریکا میں موجود تھے۔ انہوں نے عوامی احتجاج اور دباؤ پر شیخ حسینہ واجد کے وزارت عظمیٰ سے مستعفی ہوکر بھارت فرار ہونے کے ایک روز بعد سوشل میڈیا پر بیان جاری کیا ہے جو ان کی بنگلہ دیش سے نام نہاد محبت کا بھید کھولتا ہے۔
اپنے سوشل میڈیا پیغام میں حسینہ واجد کے بیٹے سجیب واجد نے کہا ہے کہ بنگلہ دیش کے مستقبل سے اب ہمارا کوئی لینا دینا نہیں ہے۔ کسی نے سوچا تھا کہ بنگلہ دیش اتنی ترقی کر سکتا ہے۔
انہوں نے کہا کہ شیخ حسینہ واجد کے بغیر یہ سب ممکن نہیں تھا۔ اب ملک کے ساتھ جو ہوگا اس سے ہمارے خاندان کا کوئی تعلق نہیں ہے۔
بنگلہ دیش میں بھارتی در اندازی مسترد، حسینہ واجد کے فرار کے بعد عوامی مظاہروں میں شدت
