دبئی: حاکم دبئی اور متحدہ عرب امارات کے نائب صدر الشیخ محمد بن راشد ال مکتوم نے گزشتہ روز بھارتی وزیراعظم نریندر مودی کو ہندی زبان میں دیوالی کے تہوار کی مبارک باد دی۔
عرب میڈیا کے مطابق الشیخ محمد بن راشد نے سماجی رابطے کی ویب سائٹ ٹویٹر پر ایک ٹویٹ ہندی اور دوسری انگریزی زبان میں کی جس میں انہوں نے بھارتی وزیراعظم نریندر مودی اور وہاں کی عوام کو امارات کی طرف سے دیوالی کی مبارک باد پیش کی۔
الشیخ محمد بن راشد نے لکھا کہ ’میری تمنا ہے کہ بھارتی وزیراعظم اور دیوالی کا تہوار منانے والے عوام کی خوشیاں دوبالا ہوں، امید ہے کہ دیوالی منانے والے محبت اور امید کی کرن ہم سب کے لیے روشن کریں گے۔‘
दिवाली के शुभ अवसर पर भारत के प्रधानमंत्री श्री नरेंद्र मोदी @narendramodi और सभी मनानेवालों को मेरे और UAE वासीओं की ओर से हार्दिक शुभकामनायें!
सद्भावना और आशा का प्रकाश आजीवन हमारे साथ रहे।
कृपया UAE में अपनी दिवाली की तस्वीरें हमारे साथ share करें। #UAEDiwali
— HH Sheikh Mohammed (@HHShkMohd) November 7, 2018
حاکم دبئی نے متحدہ عرب امارات کے تمام شہریوں سے اپیل کی کہ وہ متحدہ عرب امارات میں دیوالی کی تقریبات کی تصاویر ہیش ٹیگ یو اے ای دیوالی پر شیئر کریں۔
بھارتی وزیراعظم نریندر مودی نے بھی دیوالی کی مبارک باد دینے پر حاکم دبئی کا شکریہ ادا کیا اور دونوں ملکوں کے درمیان باہمی تعلقات مزید مستحکم ہوں گے۔
Thank you for the splendid Diwali wishes, Your Highness Sheikh Mohammed bin Rashid Al Maktoum.
Wishing you a Happy Diwali as well.
Your personal commitment towards robust India-UAE relations adds great strength to our bilateral ties. @HHShkMohd https://t.co/pSHyK7xBIL
— Narendra Modi (@narendramodi) November 7, 2018
واضح رہے کہ بھارت میں ہندو برادری 7 نومبر کو دیوالی کا تہوار مناتے ہیں جہاں وہ دن کے پہلے حصے میں مندروں میں مذہبی رسومات ادا کرتے ہیں، اس موقع پر نئے کپڑے خریدے جاتے ہیں اور لذیذ پکوان تیار کیے جاتے ہیں، لوگ ایک دوسرے ملتے ہیں اور دیوالی کی مبارک باد پیش کرتے ہیں۔
بھارت میں دیوالی کو روشنیوں، نور اور سایہ کا تہوار قرار دیا جاتا ہے یہی وجہ ہے کہ اس موقع پر شمعیں بھی روشن کی جاتی ہیں۔