راولپنڈی : سابق وزیر داخلہ شیخ رشید کا کہنا ہے کہ راناثنااللہ کا بیان کہ بغیرسمری کے بھی نیا آرمی چیف تعینات کردیں گے، خطرے کی گھنٹی ہے۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹویٹر پر اپنے بیان میں کہا کہ جب تک نئے آرمی چیف کی تعیناتی کا مسئلہ حل نہیں ہوتا سیاست میں ٹھہراؤ نہیں آئے گا۔
شیخ رشید کا کہنا تھا کہ راناثنااللہ کا بیان کہ بغیرسمری کے بھی نیا آرمی چیف تعینات کردیں گے، خطرےکی گھنٹی ہے، اس بیان سے واضح ہے ، سب اچھانہیں سب ایک پیج پر نہیں ہیں۔
انھوں نے مزید کہا کہ خود ہی اثاثوں کے ریکارڈ کو لیک کرواتے ہیں اور خود ہی تحقیقات کا حکم دیتے ہیں۔
ملک د یوالیہ ہونے کے قریب تر پہنچ گیا ہےاور یہاں نفسانفسی کا عالم ہے،5 دن انتہائی اہم ہیں،PDM بھی ٹوٹ پھوٹ کا شکار ہونے والی ہے،کیر ٹیکر کی مدت نہیں بڑھ سکتی،26 نومبر 2بجے راولپنڈی عمران خان کےلانگ مارچ کا تاریخی استقبال کرے گا،30 نومبر تک فیصلہ ہوجائے گا آر ہوگا یا پار ہوگا۔
— Sheikh Rashid Ahmed (@ShkhRasheed) November 22, 2022
خیال رہے وزیر داخلہ راناثناللہ کا کہنا تھا کہ سمری آئے نہ آئے دو دن میں تعیناتی کردی جائے گی، لیکن یہ فرض کیوں کیا جائے کہ سمری نہیں آئے گی۔
