ریلوے میں اب صرف کام ہوگا‘ شیخ رشید -
The news is by your side.

Advertisement

ریلوے میں اب صرف کام ہوگا‘ شیخ رشید

لاہور: وفاقی وزیربرائے ریلوے شیخ رشید احمد کا کہنا ہے کہ پروٹوکول نہیں لوں گا مجھے کوئی ضرورت نہیں ہے۔

تفصیلات کے مطابق وزیرریلوے شیخ رشید احمد لاہور میں ریلوے ہیڈ کوارٹرز پہنچ گئے جہاں انہیں چیف ایگزیکٹو افسر ریلوے آفتاب اکبر نے بریفنگ دی۔

اس موقع پرشیخ رشید کا کہنا تھا کہ ریلوے میں اب صرف کام ہوگا، ریلوے کے غیرضروری اخراجات ختم کردیے جائیں گے۔

وزیرریلوے کا کہنا تھا کہ پروٹوکول نہیں لوں گا مجھے کوئی ضرورت نہیں ہے۔ ان کا مزید کہنا تھا کہ ریلوے سے متعلق اہم اقدامات کا اعلان آج پریس کانفرنس میں کروں گا۔

خیال رہے کہ گزشتہ روز شیخ رشید نے سماجی رابطے کی ویب سائٹ ٹویٹر پرویڈیو شیئرکی تھی، انہوں نے ٹرین پرروالپنڈی سے لاہور تک کا سفر کرکے سب کو حیران کردیا تھا۔

وزیرریلوے کو ٹرین میں سفر کرتا دیکھ کرمسافروں کا کہنا تھا کہ اس سے ادارے کی کارکردگی بہتر بنانے اور سہولیات مہیا کرنے میں مدد ملے گی۔

واضح رہے کہ دو روز قبل وفاقی وزیربرائے ریلوے شیخ رشید احمد کا کہنا تھا کہ وہ 18 گھنٹے کام کرکے عوام کے اعتماد اور توقعات پرپورا اتریں گے۔

شیخ رشید احمد کا کہنا تھا کہ کئی جماعتوں میں کرپٹ لوگ ہیں، ہاتھ ڈالیں گے تو اپوزیشن ایک ہوجائے گی۔

Comments

comments

یہ بھی پڑھیں