راولپنڈی : عوامی مسلم لیگ کے سربراہ شیخ رشید احمد نے کہا ہے کہ عمران خان پر ہاتھ ڈالنے والے اُس کے نتیجے سے بھی باخبر رہیں۔

عوامی مسلم لیگ کے سربراہ شیخ رشید احمد نے ٹوئٹ میں لکھا کہ لاہور کی ریلی نے حق ادا کر دیا مینار پاکستان میں عدلیہ سے یکجہتی کا اظہار ہوگا، عمران خان پر ہاتھ ڈالنے والے اُس کے نتیجے سے بھی باخبر رہیں۔

سابق وفاقی وزیر نے کہا کہ پی ڈی ایم ٹوٹ چکی ہے اُسکی  4 بڑی پارٹیاں اپنے الگ نشان پر الیکشن لڑرہی ہیں، جو آئین کی حکم عدولی کرے گا وہ آرٹیکل 6 کی زد میں آئے گا 90 دن فیصلہ کن ہیں۔

شیخ رشید نے ٹوئٹ میں لکھا کہ آئی ایم ایف معاہدے میں بھی تاخیر ہوگئی 30 مارچ تک بورڈ شیڈول میں پاکستان شامل نہیں، 7 ارب ڈالر کی بیرونی فنانسنگ کی توثیق مسئلہ ہے۔

عوامی مسلم لیگ کے سربراہ شیخ رشید احمد نے مزید کہا کہ امریکہ سے خیرات کن شرائط پر ملیں گی قوم کو اعتماد میں لینا ہوگا، آئین کی حکمرانی نہ ہوئی تو خانہ جنگی ہوگی۔