25.7 C
Ashburn
بدھ, مئی 22, 2024
اشتہار

پولیس کو شیخ رشید پر حملے کی کال موصول، سکیورٹی بڑھا دی گئی

اشتہار

حیرت انگیز

راولپنڈی پولیس کو شیخ رشید پر حملے کی فون کال موصول ہونے کے بعد سربراہ عوامی لیگ اور ان کی رہائش گاہ لال حویلی کی سکیورٹی سخت کر دی گئی۔

سی پی او آفس کے سرکاری نمبر پر شیخ رشید پر حملہ کرنے کی دھمکی آمیز فون کال موصول ہوئی۔ کال کرنے والے نے اپنا نام ارشاد انصاری بتایا۔

پولیس نے سربراہ عوامی لیگ کو دھمکی سے آگاہ کر دیا۔ پولیس اور قانون نافذ کرنے والے اداروں نے تحقیقات شروع کر دیں۔

- Advertisement -

پولیس حکام نے شیخ رشید کے بھتیجے راشدشفیق کو صورتِ حال سے آگاہ کر دیا۔ راشد شفیق کا کہنا ہے کہ تھانہ سول لائن میں دھمکی آمیز کال کا مقدمہ درج کیا جا رہا ہے۔

یہ بھی پڑھیں: شیخ رشید کو دھمکی آمیز فون کال موصول ہونے کا مقدمہ درج

یاد رہے کہ ستمبر میں شیخ رشید کو دھمکی آمیز فون کال موصول ہونے کا انکشاف ہوا تھا جس کے بعد انہوں نے متعلقہ حکام کو آگاہ کیا تھا۔

شیخ رشید کا کہنا تھا کہ مجھے دھمکی آمیز فون کال موصول ہوئی، اس حوالے سے متعلقہ حکام کو آگاہ کر دیا جبکہ تھانے میں بھی درخواست دے دی۔

انہوں نے بتایا تھا کہ لال حویلی کے لینڈ لائن نمبر پر دھمکی آمیز کال موصول ہوئی تھی۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں