راولپنڈی: وزیرداخلہ شیخ رشید نے قربانی کے لئے 5لاکھ 60ہزارروپے میں تین اونٹ خرید لئے ، شیخ رشید ہرسال قربانی کے جانوروں کی خود خریداری کرتے ہیں۔
تفصیلات کے مطابق عید قربان کی آمد میں صرف ایک روز باقی ہے ، وزیر داخلہ شیخ رشید قربانی کے جانور خریدنے مویشی منڈی پہنچ گئے۔
مویشی منڈی میں شیخ رشید نے بیوپاریوں کے ساتھ خوب بھاؤ تاؤ کیا اور قربانی کے لئے تین اونٹ خرید لئے ، شیخ رشید نے 5لاکھ 60ہزارروپے میں اونٹ خریدے، شیخ رشید ہرسال قربانی کے جانوروں کی خود خریداری کرتے ہیں۔
عید کی قربانی کیلئے مویشی منڈی میں اونٹوں کی خریداری کرتے ہوئے.https://t.co/w6KhTgnF6z pic.twitter.com/dhtqt3FoOK
— Sheikh Rashid Ahmed (@ShkhRasheed) July 20, 2021
خیال رہے سنت ابراہیمی کی ادائیگی کیلئے شہریوں کی بڑی تعداد مویشی منڈیوں میں موجود ہے اور مختلف شہروں کی مویشی منڈی میں خریداروں اوربیوپاریوں میں بحث و تکرارجاری ہے۔
ملک بھرمیں کل کوسنت ابراہیمی اداکی جائے گی، جس کےلیے قربانی کے خواہشمند من پسند جانورمناسب قیمت پرخریدنے کی کوشش کررہے ہیں۔
واضح رہے وزیراعظم عمران خان نے ملک میں کرونا چوتھی لہر کے خدشے کا اظہار کرتے ہوئے صورت حال خراب ہونے کی صورت میں پابندیاں لگانے کا عندیہ دے دیا ہے۔
کرونا صورت حال سے متعلق قوم سے خطاب کرتے ہوئے وزیر اعظم کا کہنا تھا کہ ’ کرونا وبا کی صورت حال پر مسلسل نظر رکھے ہوئے ہیں،اس وقت ڈیلٹا وائرس (بھارتی ویرینٹ ) پاکستان سمیت پوری دنیا کے لیے بہت بڑاخطرہ بنا ہوا ہے۔
