اسلام آباد : سابق وزیر داخلہ شیخ رشید کا کہنا ہے کہ امریکی سفیر کے پاؤں پڑنے کے باوجود آئی ایم ایف جواب نہیں دے رہا۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ امپورٹڈ حکومت میں زرمبادلہ ذخائر صرف 9 ارب ڈالر رہ گئے ہیں، امریکی ایمبیسڈر کے پاؤں پڑنے کے باوجود بھی آئی ایم ایف جواب نہیں دے رہا اور گرے لسٹ سے نکلناابھی فائنل نہیں ہوا، حکومت بوجھ تلے خود گررہی ہے، صرف ان کے اپنے کیس ختم ہو رہے ہیں اور غریب کا راشن ختم ہو رہا ہے۔
امپورٹڈ حکومت میں زرمبادلہ کے ذخائر صرف 9 ارب ڈالر رہ گئے ہیں۔امیرکن ایمبیسڈر کے پاؤں پڑنے کے باوجود بھی IMF جواب نہیں دے رہی اور گرے لسٹ سے نکلنا ابھی فائینل نہیں ہوا۔حکومت اپنے بوجھ تلے خود ہی گر رہی ہے۔صرف انکے اپنے کیس ختم ہو رہے ہیں اور غریب کا راشن ختم ہو رہا ہے۔
— Sheikh Rashid Ahmed (@ShkhRasheed) June 20, 2022
عدالت میں پیشی کے موقع پر عوام مسلم لیگ کے سربراہ شیخ رشید نے مٰیڈیا سے گفتگو کرتے ہوئے کہا وزیر داخلہ خود دہشت گرد ہے، جو ہم پر بغاوت اور توڑپھوڑ کے مقدمے کروا رہا ہے۔
شیخ رشید کا کہنا تھا کہ امپورٹڈ حکومت ملک کی تباہی کا سبب بن رہی ہے ، جولوگ انہیں لائے وہ بھی پچھتا رہے۔
انھوں نے مزید کہا کہ سب دیکھ لیں عمران خان کی کال پر لوگ کس طرح باہر نکلے، الیکشن کروائے جائیں تاکہ پتاچلےقوم چوراتحاد کےساتھ ہےیاعمران کے ساتھ۔
