شیخ رشید کا نواز شریف کے خلاف سپریم کورٹ جانے کا اعلان -
The news is by your side.

Advertisement

شیخ رشید کا نواز شریف کے خلاف سپریم کورٹ جانے کا اعلان

لاہور: عوامی مسلم لیگ کے سربراہ شیخ رشید نے نواز شریف کے خلاف سپریم کورٹ سے رجوع کرنے کا اعلان کردیا اور کہا ہے کہ نو ایم این اے نااہل ہوسکتے ہیں تو نواز شریف بھی نااہل ہوسکتے ہیں۔

اے آر وائی نیوز کے پروگرام آف دی ریکارڈ میں میزبان ماریہ میمن سے گفتگو کرتے ہوئے انہوں نے کہا کہ نو ایم این اے نااہل ہوسکتے ہیں تو وزیراعظم بھی نااہل ہوسکتے ہیں، حکومت چاہتی ہے پاناما لیکس پر کوئی بات نہ کی جائے لیکن ایسا نہیں ہوگا۔

انہوں نے کہا کہ اگلا الیکشن نواز شریف اور عمران خان کے درمیان ہوگا، کسی نے نقصان پہنچایا تو ریلی سیدھا جاتی امرا جائے گی، نواز شریف کو پتا ہے ماڈل ٹائون کا ایک ہی واقعہ کافی ہے دوسرا نہیں۔

انہوں نے مزید کہا کہ رائے ونڈ میں عمران خان کے ساتھ کوئی ہو یا نہ ہو میں ضرور ہوں گا، حکومت نے پچس ہزار ارب روپے مقامی بینکوں سے لے رکھے ہیں اور اس کی مزید کرپشن جاری ہے۔

شیخ رشید کی تلخ‌ کلامی، پبلک اکائونٹس کمیٹی کا اجلاس چھوڑ کر چلے گئے

Shaikh Rasheed exchanges hot words with govt… by arynews

قبل ازیں شیخ رشید کی پبلک اکائونٹس کمیٹی کے اجلاس میں حکومتی اراکین سے تلخ کلامی ہوگئی جس پر وہ اجلاس چھوڑ کر چلے گئے۔

اطلاعات کے مطابق شیخ رشید نے دوران اجلاس نواز شریف کو مجرم قرار دیا جس پر حکومتی رکن میاں منان نے کہا کہ آپ مجرم کہنے والے کون ہوتے ہیں۔

شیخ رشید کا کہنا تھا کہ سیکریٹری قانونی سے کہلوانا کہ پبلک اکائونٹس کمیٹی پاناما لیکس کے معاملے پر بحث نہیں کرسکتی بدنیتی ہے۔

Comments

comments

یہ بھی پڑھیں