The news is by your side.

میں کہتا ہوں عمران خان کو گرفتار کر کے دیکھ لیں، شیخ رشید

راولپنڈی: سابق وزیر داخلہ شیخ رشید کا کہنا ہے کہ جس کو ملک پرفخر ہے، وہ سچ کیساتھ کھڑا ہے، میں کہتا ہوں عمران خان کو گرفتار کر کے دیکھ لیں۔

تفصیلات کے مطابق سابق وزیر داخلہ شیخ رشید نے ڈسٹرکٹ عدالت کے باہر صحافیوں سے گفتگو کرتے ہوئے کہا کہ میں یہ سمجھتا ہوں کہ تشدد سے کچھ نہیں بنتا، جو اصلی اور نسلی ہے ، جس کو ملک پرفخر ہےوہ سچ کیساتھ کھڑا ہے۔

شیخ رشید کا کہنا تھا کہ یہ حکومت جتنی بدنام ہوئی وہ 4مہینوں میں ہوئی، ہر جگہ بجلی کے بل جلائے گئے،لوگوں کے پاس کرایہ نہیں ، قبر کے پیسے نہیں ہیں، آپ اپنی قبریں لان میں بناتے ہیں۔

سابق وزیر داخلہ نے کہا کہ عمران خان کو پوری قوم نے بھرپور اعتماد دیا ہے، میں کہتا ہوں عمران خان کو گرفتار کر کےدیکھ لیں۔

اس سے قبل عوامی مسلم لیگ کے سربراہ شیخ رشید احمد نے اسلام آباد میں سپریم کورٹ کے باہر میڈیا سے گفتگو کرتے ہوئے کہا تھا کہ کوئی بھی شخص ہو یا ادارہ وہ پاکستان سے بڑا نہیں ہے، عدلیہ بھی محسوس کرتی ہے کہ اوورسیز پاکستانیوں کو ووٹ کا حق ہونا چاہیے، انہیں ووٹ کا حق ملنے سے آئندہ الیکشن کا نتیجہ اہم ہو گا۔

انہوں نے ایک بار پھر اپنے اس دعوے کو دہرایا تھا کہ پی ڈی ایم میں پھوٹ پڑ چکی ہے، مسلم لیگ ن اور ش آمنے سامنے آنے والی ہے، اسی سال الیکشن ہوتے دکھائی دے رہے ہیں۔

Comments

یہ بھی پڑھیں