لاہور : چینی سفیر یاؤ جِنگ کا کہنا ہے کہ ایم ایل ون منصوبے کی منظوری سے خوش ہوں، اس منصوبے سے پاکستان کی مقامی صنعت کو فروغ ملے گا، لوگوں کو روزگار ملے گا۔
تفصیلات کے مطابق وفاقی وزیر ریلوے شیخ رشید احمد سے چین کے پاکستان میں سفیر یاؤ جنگ کی الوداعی ملاقات ہوئی، ملاقات میں سیکریٹری ریلویز حبیب الرحمن گیلانی بھی موجود تھے۔
شیخ رشید نے کہا کہ پاکستان اور چین کے درمیان تعلقات کو فروغ دینے کے لئے آپکی خدمات قابل تحسین ہیں اور ایم ایل ون ریل منصوبے کی منظوری کے لئے آپ کی کاوشییں ناقابل فراموش ہیں۔
چین کے پاکستان میں سفیر یاؤ جنگ کا کہنا تھا کہ پاکستان اور چین کے تعلقات برادرانہ ہیں، دونوں ملکوں کی عوام کے درمیان محبت کا رشتہ ہے، ایم ایل ون منصوبے کی منظوری سے خوش ہوں، اس منصوبے سے پاکستان کی مقامی صنعت کو فروغ ملے گا۔لوگوں کو روزگار ملے گا۔
شیخ رشید نے کہا کہ ایم ایل ون منصوبہ پاکستان ریلوے کے لئے ایک گیم چینجر منصوبہ ہے اور پاکستانی معیشت کی ترقی کے لئے ناگزیر ہے ، ایم ایل ون منصوبے کے ساتھ ساتھ پشاور، جلال آباد اور کوئٹہ ، قندھار ریل نیٹ ورک پر کام کررہے۔
وفاقی وزیر کا مزید کہنا تھا کہ علاقائی ریل نیٹ ورک خطے کی ترقی کا ضامن ہے، افغانستان کے راستے وسط ایشیائی ممالک تک رسائی حاصل ہو گی۔
ملاقات میں سیکریٹری ریلویز حبیب الرحمن گیلانی بھی موجود تھے۔
