اسلام آباد: وزیراعظم عمران خان سے وزیر ریلوے شیخ رشید نے اہم ملاقات کی ، جس میں ملکی و سیاسی صورت حال پر تفصیلی تبادلہ خیال ہوا۔
تفصیلات کے مطابق وزیر ریلوے اور وزیر اعظم کی ملاقات میں پبلک اکاؤنٹس کمیٹی کے معاملات زیر بحث آئے.
اس اہم ملاقات میں شیخ رشید کے پی اے سی ممبر بننے سے متعلق بات چیت کی، شیخ رشید نے پی اے سی ممبر نامزدگی پر وزیراعظم کا شکریہ ادا کیا.
ملاقات میں وزارت ریلوے سے متعلق امور بھی زیر بحث آئے،شیخ رشید نے وزیراعظم کو ریلوے کی کارکردگی میں بہتری سے آگاہ کیا اور بریفنگ دی۔ اس موقع پر پبلک اکاؤنٹس کمیٹی سے متعلق تفصیلی تبادلہ خیال ہوا.
مزید پڑھیں: وفاقی کابینہ کا شہباز شریف سے پی اے سی کی چیئرمین شپ سے استعفے کا مطالبہ
یاد رہے کہ اس وقت اپویشن لیڈر شہباز شریف پی اے سی کے چیئرمین ہیں. شہباز شریف کے خلاف بدعنوانی کے تحت مقدمات جاری ہیں، جن کے باعث حکومت کی جانب سے شہباز شریف پر شدید تنقید جاری ہے.
خیال رہے کہ آج وفاقی کابینہ کا اجلاس ہوا، جس میں شہباز شریف سے پی اے سی کی چیئرمین شپ سے استعفیٰ دینے کا مطالبہ کیا گیا.
عبد القادر گزشتہ 14 برس سے اے آر وائی نیوز کے اسلام آباد بیورو سے بطور سینئر رپورٹر وابستہ ہیں۔ پارلیمنٹ ہاؤس، وزیر اعظم آفس، وفاقی کابینہ کی رپورٹنگ کرتے ہیں، بالخصوص پاکستان تحریک انصاف، اپوزیشن قیادت اور اہم سیاسی تبدیلیوں پر گہری نگاہ رکھتے ہیں۔ سیاسی رپورٹنگ، پارلیمانی امور اور حکومتی و اپوزیشن حلقوں سے مستند خبروں کے حوالے سے ایک معتبر صحافتی آواز ہیں۔