سابق رکن قومی اسمبلی شیخ راشد شفیق نے دعویٰ کیا ہے کہ سربراہ عوامی مسلم لیگ شیخ رشید لاپتا ہیں۔
اے آر وائی نیوز سے خصوصی گفتگو کرتے ہوئے شیخ رشید کے بھتیجے شیخ راشد شفیق نے بتایا کہ پولیس نے شیخ رشید کو نامعلوم مقام پر منتقل کر دیا ہے، وہ عدالت سے روانگی کے بعد سے لاپتا ہیں۔
انہوں نے بتایا کہ ’شیخ رشید تھانہ آبپارہ و سیکرٹریٹ میں موجود نہیں۔ وہ عارضہ قلب میں مبتلا ہیں اور انہیں بروقت ادویات کی ضرورت ہوتی ہے۔‘
ان کا کہنا تھا کہ شیخ رشید کی صحت سے متعلق تشویش ہے، پولیس ان سے متعلق کچھ نہیں بتا رہی۔
