راولپنڈی : سابق وزیر داخلہ شیخ رشید کا کہنا ہے کہ اسمبلی توڑنا کوئی مسئلہ نہیں، تباہ حال معیشت بچانا اصل مقصد ہے۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ عمران خان سےآدھاگھنٹہ تفصیلی ملاقات ہوئی، عمران خان کواندازہ ہےکہ ملک مزید سیاسی عدم استحکام کا متحمل نہیں ہوسکتا۔
شیخ رشید کا کہنا تھا کہ الیکشن ناگزیر ہیں، سیاسی ومعاشی استحکام قومی سلامتی کاضامن ہے ، الیکشن 2مہینے پہلے ہوں بعد میں ہوں پی ڈی ایم کی سیاست دفن ہوگئی ہے۔
سابق وزیر داخلہ نے مزید کہا کہ اسمبلی توڑنا کوئی مسئلہ نہیں، تباہ حال معیشت بچانا اصل مقصد ہے۔
عمران خان سےآدھہ گھنٹہ تفصیلی ملاقات ہوئی اُس کواندازہ ہےکہ ملک مزیدسیاسی عدم استحکام کامتحمل نہیں ہوسکتاالیکشن ناگزیر ہیں سیاسی معاشی استحکام قومی سلامتی کےضامن ہیں الیکشن2مہینےپہلےہوں بعدمیں ہوںPDMکی سیاست دفن ہو گئی ہےاسمبلی توڑناکوئی مسلہ نہیں تباہ حال معیشت بچانااصل مقصدہے
— Sheikh Rashid Ahmed (@ShkhRasheed) December 3, 2022
گذشتہ روز ہور زمان پارک میں میڈیا سے گفتگو کرتے ہوئے شیخ رشید کا کہنا تھا کہ عمران خان کے ساتھ آدھا گھنٹہ ملاقات ہوئی ہے،عمران خان اسمبلیاں توڑنے کے موقف پر قائم ہیں، عمران خان کو پرویز الٰہی کی آشیرباد حاصل ہے۔
سابق وزیر نے کہا تھا کہ دونوں صوبائی اسمبلی توڑ دی جائیں گی، شیخ رشید کا کہنا تھا کہ ابھی بھی وقت ہے جنرل الیکشن کروا دیں۔
ان کا مزید کہنا تھا کہ گورنر راج اور تحریک عدم اعتماد روڑے اٹکانے کی باتیں ہیں، حکومت الیکشن کا اعلان کرے اور تاریخ کے لیے عمران خان کے پاس آئے، اب آر ہو گا یا پار ہو گا۔
