کراچی : سابق وزیر داخلہ شیخ رشید کا کہنا ہے کہ ملک معاشی طور پر تباہ اور اقتدار کے بھوکوں کاجمعہ بازار لگا ہوا ہے، ایک ہفتے میں 2 صوبائی اسمبلیوں کا فیصلہ ہو جائے گا۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ ملک معاشی طور پر تباہ اور اقتدار کے بھوکوں کاجمعہ بازار لگا ہوا ہے، آج سےریسکیو آپریشن کاپہلا دن ہے، اداروں کاسیاست سےدور ہونا قابل تحسین ہے لیکن عوام سے دورنہیں رہ سکتے.
ایک ہفتےمیں2صوبائی اسمبلیوں کافیصلہ ہوجائےگا، والدین بچوں کاگلہ کاٹ رہے ہیں اوریہ یورپ میں چھٹیاں گزار رہے ہیں۔
ملک معاشی طور پر تباہ اوراقتدارکےبھوکوں کاجمعہ بازار لگاہوا ہے،آج سےریسکیو آپریشن کاپہلا دن ہے،اداروں کاسیاست سےدور ہونا قابل تحسین ہےلیکن ادارےاپنےعوام سےدورنہیں رہ سکتے،1ہفتےمیں2صوبائی اسمبلیوں کافیصلہ ہوجاےگا،والدین اپنےبچوں کاگلہ کاٹ رہے ہیں اوریہ یورپ میں چھٹیاں گزار رہے ہیں
— Sheikh Rashid Ahmed (@ShkhRasheed) November 30, 2022
گذشتہ روز وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ 4 ماہ سے پنجاب اسمبلی اجلاس جاری ہے عدم اعتماد اور گورنر راج ناممکن ہے، حکومت میں آنےاور اس کو لانے والے دونوں پشیمان ہیں۔
شیخ رشید کا کہنا تھا کہ مولانافضل الرحمان کے بیان نےاس کو رسواکردیا، معیشت ہی قومی سلامتی ہےجس پر کوئی خاموش تماشائی نہیں رہ سکتا۔
