راولپنڈی : عوامی مسلم لیگ کے سربراہ شیخ رشید کا کہنا ہے کہ معاشی تباہی کا سہرا امپورٹڈ حکومت کے سر جاتا ہے ، وزیر خزانہ مہنگائی کا چوتھا ٹیکہ لگانے والے ہیں۔
تفصیلات کے مطابق عوامی مسلم لیگ کے سربراہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ شام7بجے مارکیٹس،دکانیں بند کیں تو دکانداربھی بھوکے مریں گے، معاشی تباہی کا سہرا امپورٹڈ حکومت کے سر جاتا ہے۔
شیخ رشید کا کہنا تھا کہ امریکن ایمبیسڈر آ چکا ہے اور چائینہ کا ایمبیسڈر جا چکا ہے جبکہ ہندوستان میں مسلمانوں کے گھر گرائے جا رہے ہیں اور امپورٹڈ حکومت ہندوستان سے تجارت کرنے جا رہی ہے۔
اگر شام سات بجے مارکیٹیں اور دکانیں بند کی گئیں تو دکاندار بھی بھوکے مریں گے۔معاشی تباہی کا سہرا امپورٹڈ حکومت کے سر جاتا ہے۔امریکن ایمبیسڈر آ چکا ہے اور چائینہ کا ایمبیسڈر جا چکا ہے۔ہندوستان میں مسلمانوں کے گھر گرائے جا رہے ہیں اور امپورٹڈ حکومت ہندوستان سے تجارت کرنے جا رہی ہے
— Sheikh Rashid Ahmed (@ShkhRasheed) June 17, 2022
سربراہ عوامی مسلم لیگ نے ایک اور ٹوئٹ میں کہا کہ وزیر خزانہ مہنگائی کا چوتھا ٹیکہ لگانے والے ہیں، جس دن ان کے کیس ختم ہو گئے یہ الیکشن کی طرف جائیں گے۔
ان کا کہنا تھا کہ ایک درجن جماعتیں عوام کی نظروں سے گرگئی ہیں جبکہ اکیلا عمران خان عوام کے دلوں پر چھا گیا ہے۔
نواز شریف کی واپسی کے حوالے سے شیخ رشید نے کہا کہ لندن خفیہ معاہدے کے تحت نواز شریف پاکستان نہیں آ رہے۔
وزیر خزانہ مہنگائی کا چوتھا ٹیکہ لگانے والے ہیں۔ڈالر 210 پر اور حوالہ 220 پر آ گیا ہے۔جس دن ان کے کیس ختم ہو گئے یہ الیکشن کی طرف جائیں گے۔ایک درجن جماعتیں عوام کی نظروں سے گر گئی ہیں۔اکیلا عمران خان عوام کے دلوں پر چھا گیا ہے۔لندن خفیہ معاہدے کے تحت نواز شریف پاکستان نہیں آ رہے
— Sheikh Rashid Ahmed (@ShkhRasheed) June 17, 2022
انھوں نے مزید کہا کہ امپورٹڈ حکومت مفاد پرستوں کا دوسرا نام ہے، یہ چوروں کی بیٹھک سجائی گئی ہے جس کو عوام میں پذیرائی نہیں ، درجن پارٹیاں اپنی سیاسی قبر خود کھود رہی ہیں، عوام ان کے چہرے دیکھ کر ٹی وی چینل بدل دیتے ہیں۔
شیخ رشید کا کہنا تھا کہ اتوار کی شام 9بجے عمران خان کی کال پر لال حویلی ان کا خطاب سنیں گے۔
امپورٹڈ حکومت مفاد پرستوں کا دوسرا نام ہے۔یہ چوروں کی بیٹھک سجائی گئی ہے جس کو عوام میں کوئی پذیرائی حاصل نہی۔یہ 1 درجن پارٹیاں اپنی سیاسی قبر خود کھود رہی ہیں۔عوام ان کے چہرے دیکھ کر ٹی وی چینل بدل دیتے ہیں۔اتوار کی شام 9بجے عمران خان کی کال پر لال حویلی ان کا خطاب سنیں گے
— Sheikh Rashid Ahmed (@ShkhRasheed) June 17, 2022
