راولپنڈی : سابق وزیرداخلہ شیخ رشید کا کہنا ہے کہ فنڈنگ کیس دفن ہو گیا ، فنڈنگ شوکاز نوٹس صرف فنڈ ضبطی کا ہے، پارٹی کالعدم اور عمران خان کو نااہل کرانے کا نہیں۔
تفصیلات کے مطابق سابق وزیر داخلہ شیخ رشید نے سماجی رابطے کی ویب سائٹ ٹوئٹر پر اپنے بیان میں کہا کہ فنڈنگ کیس دفن اور فیصلہ سپریم کورٹ کے پاس چلاگیا، بیان حلفی اورسرٹیفیکٹ میں فرق ہوتا ہے، اب اتحادی بے شک میڈیا میڈیا کھیلیں۔
شیخ رشید کا کہنا تھا کہ نوازشریف کے کیس اور فارن فنڈنگ کیس میں فرق ہے، جوآئی ایم ایف سےقرض بھی نہ لے سکے ان کی کارکردگی خاک ہے، پانی اور مہنگائی کے سیلاب کے بعد ٹرانسپورٹ بھی بند ہوگئی۔
فارن فنڈنگ کیس دفن اور فیصلہ سپریم کورٹ کے پاس چلاگیا۔بیان حلفی اور سرٹیفیکٹ میں فرق ہوتا ہے۔اب اتحادی بے شک میڈیا میڈیا کھیلیں،نوازشریف کے کیس اور فارن فنڈنگ کیس میں فرق ہے۔جوIMFسےقرضہ بھی نہ لے سکے ان کی خاک کارکردگی ہے۔پانی اور مہنگائی کے سیلاب کے بعد ٹرانسپورٹ بھی بند ہوگئی
— Sheikh Rashid Ahmed (@ShkhRasheed) August 3, 2022
سابق وزیر داخلہ نے اپنے ٹوئٹ میں لکھا "فنڈنگ شوکازنوٹس صرف فنڈضبطی کا ہے ، شوکازپارٹی کالعدم نہ عمران خان کونااہل کرانے کا ہے ، الیکشن کمیشن ریفرنس حکومت کو بھیجے گا، حکومت کے ڈیکلیئریشن کےبعدریفرنس سپریم کورٹ جائے گا۔”
انھوں نے کہا کہ ہرغلط فیصلےسے14پارٹیوں کی ساکھ راکھ بن رہی ہے، نہ نومن تیل ہوگا نہ رادھا ناچے گی،پی ڈی ایم ٹائیں ٹائیں فش ہوگئی۔”
فارن فنڈنگ شوکاز نوٹس صرف فنڈ ضبطی کا ہےنہ کہ پارٹی کالعدم نہ عمران خان کو نااہل کرانےکا۔الیکشن کمیشن ریفرنس حکومت کو بھیجے گا حکومت کے ڈیکلیریشن کے بعد سپریم کورٹ میں جائے گا۔ہر غلط فیصلے سے14پارٹیوں کی ساکھ راکھ بن رہی ہے۔نہ نومن تیل ہوگا نہ رادھا ناچے گی۔PDMٹیں ٹیں فش ہوگئی ہے
— Sheikh Rashid Ahmed (@ShkhRasheed) August 3, 2022
