عمران خان کے حلف اٹھاتے ہی ن لیگ میں فارورڈ بلاک بن جائے گا: شیخ رشید Imran Khan
The news is by your side.

Advertisement

عمران خان کے حلف اٹھاتے ہی ن لیگ میں فارورڈ بلاک بن جائے گا: شیخ رشید

اسلام آباد: عوامی مسلم لیگ کے سربراہ شیخ رشید نے کہا ہے کہ عمران خان ملک کی ضرورت ہے۔

ان خیالات کا اظہار انھوں نے پی ٹی آئی چیئرمین عمران خان سے ملاقات کے بعد بنی گالا کے باہر میڈیا سے گفتگو کرتے ہوئے کیا۔

شیخ رشید نے کہا کہ عمران خان کے وزیراعظم کا حلف اٹھاتے ہی ن لیگ میں ایک بڑا فارورڈبلاک بنے گا.

ان کا کہنا تھا کہ راہ میں رکاوٹیں کھڑی کرنے سےعمران خان کو کچھ نہیں ہوگا، انھیں کوئی فرق نہیں پڑے گا، البتہ ایسی رکاوٹیں کھڑی کرنے سے جمہوریت کے لئے مسئلہ ہوگا۔

شیخ رشید نے کہا کہ پیر کے روز وفاقی کابینہ کا فیصلہ ہوجائے گا، جلد اس ضمن میں اعلان کیا جائے گا۔

ایک سوال کے جواب میں انھوں نے کہا کہ کابینہ اور وزیراعلیٰ پنجاب کے نام معلوم ہیں، مگر اس وقت بتا نہیں سکتا۔

انھوں نے مخالفین کو آڑے ہاتھوں لیتے ہوئے کہا کہ اسحاق ڈار سمیت کئی سلطانی گواہ بننے والے ہیں، حلف اٹھانے سے پہلے ہی متحدہ اپوزیشن بن گئی ہے یہ سب لوگ اقتدارکے بھوکے ہیں ۔

انگوٹھی کا راز

پریس کانفرنس کے دوران شیخ رشید کے ہاتھ میں انگوٹھی نظر آئی، تو  ایک صحافی نے سوال کیا،عمران خان کے بعد آپ نے بھی انگوٹھی پہن لی؟

اس پر شیخ رشید نے مسکراتے ہوئے کہا کہ میں نے 1500کی لی ہے، آپ 3000 میں لے لیں۔ 


وزارت مانگنا توہین سمجھتا ہوں: شیخ رشید


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں