The news is by your side.

Advertisement

‘اتنا بڑا سانحہ ہوگیا، لیکن لوگ اب بھی مری جانے سے باز نہیں آرہے’

اسلام آباد : وفاقی وزیر داخلہ شیخ رشید کا کہنا ہے کہ اتنا بڑا سانحہ ہوگیا، لیکن لوگ اب بھی مری جانے سے باز نہیں آرہے ، سیاحوں کا داخلہ آج شام تک بند ہے۔

تفصیلات کے مطابق وفاقی وزیر داخلہ شیخ رشید نے اے آروائی کے پروگرام باخبر سویرا میں گفتگو کرتے ہوئے کہا کہ مری میں بہت زیادہ گاڑیاں پھنسی ہوئی ہیں، اتنا بڑا سانحہ ہوگیا لیکن یہاں سے لوگ مری جانے سے باز نہیں آرہے۔

شیخ رشید کا کہنا تھا کہ برف میں پھنسی ہوئی گاڑیوں کو نکلاجارہا ہے، سیاح انتظار کریں، شام تک داخلہ بند ہے۔

وفاقی وزیر داخلہ نے کہا کہ مری میں ایسی شدیدبرفباری پہلےکبھی نہیں دیکھی ، مری کےواقعےسےہمیں سبق ملاہے،آگےسےاحتیاط کرناہوگی،وزیراعظم نے ہدایت دی ہے کہ تیرہ نئے سیاحتی مقامات پر کام کیا جائیں۔

ان کا کہنا تھا کہ ہمیں 10، 15سیاحتی مقامات بنانےچاہئیں، مری میں جگہ چھوٹی ہےاورآبادی بہت زیادہ ہے، اکیلامری اتنےزیادہ سیاحوں کابوجھ نہیں اٹھاسکتا۔

اپوزیشن کے حوالے سے شیخ رشید نے کہا کہ اپوزیشن سےکچھ نہیں ہونا،چوتھاسال لگ گیاہے،شیخ رشید بلدیاتی الیکشن ہوں گے،اسکےبعدجنرل الیکشن آئیں گے، اپوزیشن نااہل ہے ۔ یہ صرف باتیں کررہی ہیں کچھ نہیں کرسکتی۔

Comments

یہ بھی پڑھیں