نوازشریف لال حویلی آئیں وہاں کے پیر سے دم کراؤں گا،ٹھیک ہوجائیں گے،شیخ رشید
The news is by your side.

Advertisement

نوازشریف لال حویلی آئیں وہاں کے پیر سے دم کراؤں گا،ٹھیک ہوجائیں گے،شیخ رشید

نارووال : وفاقی وزیر ریلوے شیخ رشید کا کہنا ہے کہ پتھری کے علاج کیلئے لندن جانےکی ضرورت نہیں،لال حویلی میں بھی ہوجاتا ہے،نوازشریف لال حویلی آئیں وہاں کےپیرسےدم کراؤں گا،ٹھیک ہوجائیں گے۔

تفصیلات کے مطابق وفاقی وزیر ریلوے شیخ رشید کی نارووال ریلوے اسٹیشن پرپہنچے تو ان کا شاندار استقبال کیا گیا، اس موقع پر انہوں نے میڈیا سے گفتگو کرتے ہوئے کہا کہ نارووال چک امروٹریک کوبحال کردیاجائےگا، ہمارے پاس ابھی کوچزنہیں نئی کوچزکیلئےٹینڈرکی ہدایت کی ہے۔

وزیرریلوے نے بھارت کوکرتارپوربارڈ تک ریلوے ٹریک بچھانے کی پیش کش کرتے ہوئے کہا کرتارپور بارڈر سے انڈیا تک ٹرین چلانے کے تیار ہیں، انڈیا اپنی ریلوے لائن بچھائے، ہم اپنی طرف سے لائن بچھانے کے لئے تیار ہیں۔

بھارت کوکرتارپوربارڈ تک ریلوے ٹریک بچھانے کی پیش کش

شیخ رشید نے نارووال سے لاہور سیالکوٹ ریل کار ٹرین چلانے کا بھی اعلان کیا اور کہا دربار صاحب کرتار پور ریلوے اسٹیشن کو سکھوں اور بابا جی گرونانک کی سوچ کے مطابق بنانے کا فیصلہ کیا ہے۔

نوازشریف لال حویلی آئیں وہاں کےپیرسےدم کراؤں گا،ٹھیک ہوجائیں گے

نواز شریف کی صحت کے حوالے سے وفاقی وزیر کا کہنا تھا کہ گردے کی پتھری کا علاج لندن میں ضروری نہیں، ان کا علاج لال حویلی میں میں بھی کیا جاتا ہے ، لال حویلی میں دم کو فوری اثر بھی ہوتاہے، رابطہ کرسکتےہیں، نوازشریف لال حویلی آئیں وہاں کےپیرسےدم کراؤں گا،ٹھیک ہوجائیں گے۔

بلاول بھٹو پر تنقید کرتے ہوئے انھوں نے کہا کہ بلو رانی سے کہا ہے کہ وہ معافی مانگ لے اسی میں ان کا فائدہ ہے۔

Comments

comments

یہ بھی پڑھیں